തിരുവനന്തപുരം: വരള്ച്ചയെ പ്രതിരോധിക്കാന് സംസ്ഥാനത്ത് ഗോവന് മാതൃകയില് നദീജലസംഭരണികള് പണിയാന് തീരുമാനിച്ചു. ആദ്യഘട്ടത്തില് പാലക്കാട് തൂതപ്പുഴ, ഭവാനിപ്പുഴ, കാസര്കോട് ചന്ദ്രഗിരി, വയനാട്ടിലെ പനമരം പുഴ, പത്തനംതിട്ട ജില്ലയിലെ അച്ചന് കോവില് എന്നീ നദികളിലും ഉപനദികളിലുമാണ് ഗോവയില് ‘ബന്ധാര’ എന്ന് വിളിക്കുന്ന ജലസംഭരണിയുണ്ടാക്കുക. ഇതുപൂര്ത്തിയാകുമ്പോള് 1938 കോടി ലിറ്റര് വെള്ളം കൂടുതല് ലഭിക്കുമെന്നാണ് കണക്ക്.
കേരളത്തിലെ നദികളില് പണിയുന്ന റഗുലേറ്ററിന്റെ ലളിതവും ചെലവു കുറഞ്ഞതും എളുപ്പം പ്രവര്ത്തിപ്പിക്കാവുന്നതുമായ മാതൃകയാണ് ഗോവന് ബന്ധാരകള്.. ഗോവയില് നാനൂറിലധികം ബന്ധാരകള് ഉപയോഗത്തിലുണ്ട്. നദിയില് കുറുകെ രണ്ടുമീറ്റര് ഇടവിട്ട് കോണ്ക്രീറ്റ് തൂണുകള് സ്ഥാപിച്ചശേഷം ഫൈബര് റീഇന് ഫോഴ്സ്ഡ് പ്ലാസ്റ്റിക് കൊണ്ട് ഷട്ടര് ഇടുകയാണ് ചെയ്യുന്നത്.
നദിയുടെ താഴ്ചക്കനുസരിച്ച് നാലോ അഞ്ചോ കീലോമീറ്റര് ഇടവിട്ട് ബന്ധാര പണിയും. മഴക്കാലം കഴിയുന്ന ഉടനെ എല്ലാ ഷട്ടറുകളും ഇട്ട് പൂര്ണ ഉയരത്തില് വെള്ളം സംഭരിക്കും. ജലനിരപ്പ് കുറയുന്നതനുസരിച്ച് ഷട്ടറുകള് ഓരോന്നായി മാറ്റി വെള്ളം നിയന്ത്രിതമായി ഒഴുക്കി വിടും. മഴ തുടങ്ങിയാല് ഷട്ടറുകള് പൂര്ണമായി തുറക്കും. അതിനാല് മഴക്കാലത്ത് നദികളില് സ്വാഭാവികമായ ഒഴുക്കുണ്ടാകും. പരിസ്ഥിതി പ്രശ്നങ്ങള് ഒഴിവാക്കാനും മത്സ്യസമ്പത്ത് സംരക്ഷിക്കാനും അതുമൂലം കഴിയും.
പ്രതികരിക്കാൻ ഇവിടെ എഴുതുക: