ന്യൂദല്ഹി : കേരള നിയമസഭയുടെ വജ്രജൂബിലി ആഘോഷങ്ങളുടെ ഭാഗമായി ജനാധിപത്യത്തിന്റെ ഉത്സവം എന്ന പേരില് ആഘോഷ പരിപാടി സംഘടിപ്പിക്കുന്നു. നിയമസഭാ സെക്രട്ടേറിയറ്റിന്റേയും പാര്ലമെന്ററികാര്യ വകുപ്പിന്റേയും ആഭിമുഖ്യത്തില് ജൂലായ് രണ്ടാം വാരം സംഘടിപ്പിക്കുന്ന പരിപാടി രാഷ്ട്രപതി രാംനാഥ് കോവിന്ദ് ഉദ്ഘാടനം ചെയ്യും.
ജനാധിപത്യ പ്രക്രിയയിലെ മാറ്റങ്ങള്, വ്യതിയാനങ്ങള്, സാധ്യതകള് തുടങ്ങിയ വിഷയങ്ങളില് ചര്ച്ചകളും സംവാദങ്ങളുമാണു ഫെസ്റ്റിവല് ഓഫ് ഡെമോക്രസി എന്ന പരിപാടിയുടെ ലക്ഷ്യമെന്നു സ്പീക്കര് പി. ശ്രീരാമകൃഷ്ണന് പറഞ്ഞു.
കേരളത്തിന്റെ വികസനം സംബന്ധിച്ചു ദേശീയ സംവാദ പരിപാടിയുംസംഘടിപ്പിക്കും.. നിയമസഭകളുടെ ചരിത്രത്തില് ആദ്യമായാകും ഇത്തരമൊരു പരിപാടി. ജൂലായ് മുതല് ഒക്ടോബര് വരെയാകും ഈ പരിപാടികള് സംഘടിപ്പിക്കുക. നവംബറില് വജ്രജൂബിലി ആഘോഷം സമാപിക്കും.
പ്രതികരിക്കാൻ ഇവിടെ എഴുതുക: