കശ്മീര്: കശ്മീരില് വെടിനിര്ത്തല് കരാര് ലംഘനം. പാക് സൈന്യം നടത്തിയ വെടിവയ്പിൽ ഇന്ത്യന് സൈനികന് മരിച്ചു. മണിപ്പൂര് സ്വദേശിയായ വികാസ് ഗുറാങ് ആണ് കൊല്ലപ്പെട്ടത്.
രജൗരി ജില്ലയിലെ നൗഷേര മേഖലയിലാണ് വെടിവയ്പുണ്ടായത്. യാതൊരു പ്രകോപനവും ഇല്ലാതെയായിരുന്നു പാക് സൈന്യം വെടിയുതിര്ത്തത്. റംസാൻ കാലത്ത് വെടിനിര്ത്തല് പാലിക്കാന് ഇന്ത്യയും പാക്കിസ്ഥാനും സംയുക്തമായി തീരുമാനിച്ചിരുന്നു. എന്നാല് സംസാന് ശേഷം ഇൗ കരാര് തുടരാനിടയില്ല.
രാംഗഡ് മേഖലയില് ചൊവ്വാഴ്ച നടന്ന പാക് വെടിവയ്പിൽ ഒരു അസിസ്റ്റന്റ് കമാന്റന്റ് ഉള്പ്പെടെ നാല് അതിര്ത്തിരക്ഷാ സേന ഉദ്യോഗസ്ഥര് കൊല്ലപ്പെട്ടിരുന്നു.
പ്രതികരിക്കാൻ ഇവിടെ എഴുതുക: