കട്ടിപ്പാറ സന്ദര്‍ശിക്കാത്ത ആളാണ് കേജ്രിവാളിനെ കാണാന്‍ പോയത്; വിമര്‍ശനവുമായി സുരേന്ദ്രന്‍

Sunday 17 June 2018 2:31 pm IST
മുഖ്യമന്ത്രി പിണറായി വിജയനെ രൂക്ഷമായി വിമര്‍ശിച്ച് ബിജെപി സംസ്ഥാന ജനറല്‍ സെക്രട്ടറി കെ സുരേന്ദ്രന്‍ . ഉരുള്‍പൊട്ടലുണ്ടായ കട്ടിപ്പാറയില്‍ മുഖ്യമന്ത്രി എത്താതിരുന്നത് മനുഷ്യത്വരഹിതമായ നടപടിയാണ്, കേരളത്തിലെ ജനങ്ങളോട് യാതൊരു ഉത്തരവാദിത്വവും ഇല്ലാത്ത തരത്തിലാണ് മുഖ്യമന്ത്രിയുടെ പെരുമാറ്റമെന്നും കെ സുരേന്ദ്രന്‍ പറഞ്ഞു.

കോഴിക്കോട്: മുഖ്യമന്ത്രി പിണറായി വിജയനെ രൂക്ഷമായി വിമര്‍ശിച്ച് ബിജെപി സംസ്ഥാന ജനറല്‍ സെക്രട്ടറി കെ സുരേന്ദ്രന്‍ . ഉരുള്‍പൊട്ടലുണ്ടായ കട്ടിപ്പാറയില്‍ മുഖ്യമന്ത്രി എത്താതിരുന്നത് മനുഷ്യത്വരഹിതമായ നടപടിയാണ്, കേരളത്തിലെ ജനങ്ങളോട് യാതൊരു ഉത്തരവാദിത്വവും ഇല്ലാത്ത തരത്തിലാണ് മുഖ്യമന്ത്രിയുടെ പെരുമാറ്റമെന്നും കെ സുരേന്ദ്രന്‍ പറഞ്ഞു.

വിലകുറഞ്ഞ രാക്ഷ്ട്രീയമാണ് മുഖ്യമന്ത്രിയുടേതെന്നും, കേരളത്തില്‍ എന്ത് സംഭവിച്ചാലും അത് തന്നെ ബാധിക്കുന്ന കാര്യമല്ല എന്ന രീതിയില്‍ വടക്കോട്ട് നോക്കി ഇരിക്കുന്ന മുഖ്യമന്ത്രിയായി പിണറായി മാറിയെന്നും കെ സുരേന്ദ്രന്‍ കുറ്റപ്പെടുത്തി.

മലയോര മേഖലയിലെ അനധികൃത നിര്‍മ്മാണ പ്രവര്‍ത്തനങ്ങള്‍ക്കും, ഖനനത്തിനുമെതിരെ അധികൃതര്‍ നടപടി എടുക്കാത്തതാണ് ഉരുള്‍പൊട്ടല്‍ പോലുള്ള അപകടങ്ങള്‍ക്ക് വഴിവെക്കുന്നതെന്ന് അദ്ദേഹം ആരോപിച്ച് പിവി അന്‍വര്‍ എംഎല്‍എ യുടെ പാര്‍ക്കിന് വഴിവിട്ട് സഹായം ചെയ്യുന്ന ഉദ്യോഗസ്ഥരെ ഉടന്‍ സസ്പെന്‍ഡ് ചെയ്യണമെന്നും കെ സുരേന്ദ്രന്‍ കോഴിക്കോട് നടത്തിയ വാര്‍ത്താ സമ്മേളനത്തില്‍ പറഞ്ഞു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.