തിരുവനന്തപുരം: പോലീസിലെ ദാസ്യപണിക്കെതിരെ കര്ശന നടപടി സ്വീകരിക്കുമെന്ന് മുഖ്യമന്ത്രി പിണറായി വിജയന് നിയമസഭയില് പറഞ്ഞു. ക്യാമ്പ് ഫോളവേഴ്സിനെ ഉപയോഗിച്ച് വീട്ടു വേല ചെയ്യുന്ന പ്രവണത അവസാനിപ്പിക്കണം. അച്ചടക്കത്തിന്റെ പേരില് ഒരു മനുഷ്യാവകാശ ലംഘനവും അനുവദിക്കില്ല.
ബ്രിട്ടീഷ് പോലീസ് ഭരണത്തില് നിന്നു കൈമാറിവന്ന ജീര്ണമായ ഒരു സംസ്കാരമാണിത്. സ്വാതന്ത്ര്യലബ്ധിക്കുശേഷം ഏഴു പതിറ്റാണ്ടു കഴിഞ്ഞ ഘട്ടത്തിലും തുടരുന്നു. ഔദ്യോഗിക കാര്യങ്ങള്ക്കായി വിന്യസിക്കേണ്ട പോലീസ് കോണ്സ്റ്റബിള്മാരെയും മറ്റും വീട്ടാവശ്യങ്ങള്ക്കും വ്യക്തിപരമായ സേവനങ്ങള്ക്കും ഉപയോഗപ്പെടുത്തുന്നുണ്ടോ എന്ന കാര്യം പരിശോധിക്കാന് നിര്ദേശിച്ചിട്ടുണ്ട് ഇത്തരം പ്രവണത പൂര്ണമായും അവസാനിപ്പിക്കുമെന്നും മുഖ്യമന്ത്രി പറഞ്ഞു.
പോലീസ് കോണ്സ്റ്റബിള് ഉള്പ്പെടെയുള്ള സകല ജീവനക്കാരുടെയും മാനുഷികാവകാശങ്ങള്ക്കു പരിരക്ഷയും ആദരവും നല്കുന്ന സമീപനമേ സര്ക്കാരില് നിന്നുണ്ടാവൂ. മനുഷ്യാവകാശങ്ങളെ ലംഘിക്കുന്ന ഒരു നടപടിയും ഒരു ഉദ്യോഗസ്ഥന്റെയും ഭാഗത്തുനിന്നുണ്ടാവുന്നത് അനുവദിക്കിെല്ലന്നും അങ്ങനെ ഉണ്ടായാല് കര്ശനനടപടി സ്വീകരിക്കുമെന്നും മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: