പിടിച്ചുപറി: എസ്ഡിപിഐ പ്രവര്‍ത്തകനെ അറസ്റ്റു ചെയ്തു

Wednesday 20 June 2018 10:04 pm IST

 

മട്ടന്നൂര്‍: വീട്ടിലേക്ക് നടന്നു പോകുകയായിരുന്ന സ്ത്രീയെ ബൈക്കില്‍ പിടിച്ചുകയറ്റാന്‍ ശ്രമിച്ച എസ്ഡിപിഐ പ്രവര്‍ത്തകനെ മട്ടന്നൂര്‍ പോലീസ് അറസ്റ്റു ചെയ്തു. നരയമ്പാറയിലെ റിയാസി(27)നെയാണ് മട്ടന്നൂര്‍ എസ്‌ഐ ശിവന്‍ ചോടോത്തും സംഘവും അറസ്റ്റു ചെയ്തത്.കഴിഞ്ഞ ദിവസം വൈകുന്നേരം ആറു മണിയോടെ ചാവശ്ശേരി കൂരന്‍മുക്കിലായിരുന്നു സംഭവം. പെരുന്ത്രച്ചാല്‍ സ്വദേശിനിയായ നാല്‍പത്തിയാറുകാരിയെയാണ് റിയാസ് അപമാനിക്കാന്‍ ശ്രമിച്ചത്. കൂരന്‍ മുക്കില്‍ ബസ്സിറങ്ങി വീട്ടിലേക്ക് നടന്നു പോവുകയായിരുന്ന സ്ത്രീയുടെ അടുത്ത് ബൈക്കുമായി എത്തിയ റിയാസ് ബൈക്കില്‍ കയറാന്‍ ആവശ്യപ്പെടുകയും കയറാതിരുന്നപ്പോള്‍ പിടിച്ചു കയറ്റാന്‍ ശ്രമിക്കുകയായിരുന്നുവത്രെ. ഇതിനിടെ കുതറി മാറുന്നതിനിടയില്‍ വീണ സ്ത്രീക്ക് പരിക്കേറ്റിരുന്നു. 

സ്ത്രീ ബന്ധുക്കളെ വിവരമറിയിച്ചതിനാല്‍ ബന്ധുക്കളെത്തി റിയാസിനെ ചോദ്യം ചെയ്തതോടെ തമ്മില്‍ അടിപിടിയും നടന്നിരുന്നു. ഇതിനെത്തുടര്‍ന്ന് പ്രദേശത്ത് സംഘര്‍ഷാവസ്ഥയുണ്ടായിരുന്നു. മട്ടന്നൂര്‍ ജുഡീഷ്യല്‍ ഒന്നാം ക്ലാസ്സ് മജിസ്‌ട്രേറ്റ് കോടതിയില്‍ ഹാജരാക്കിയ റിയാസിനെ റിമാന്റ് ചെയ്തു. 

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.