ഇരിട്ടി: കഴിഞ്ഞാഴ്ച ഉണ്ടായ ഉരുള്പൊട്ടലില് തകര്ന്നതിനെത്തുടര്ന്ന് അടച്ച ഇരിട്ടിവിരാജ് പേട്ട റോഡിലെ ഗതാഗത നിരോധനം നീക്കുന്നതിന് മടിക്കേരി ജില്ലാ ഭരണകാര്യാലയത്തില് ഉന്നത തലയോഗം ചേര്ന്നു. പൊതുമരാമത്ത് വകുപ്പ് മന്ത്രി എച്ച്.ഡി.രേവണ്ണയുടെ അധ്യക്ഷതയില് ചേര്ന്ന യോഗത്തില് അന്തര് സംസ്ഥാന പാത എന്ന പരിഗണനയില് അടിന്തര പ്രധാന്യത്തോടെ റോഡിന്റെ നിര്മ്മാണം പൂര്ത്തിയാക്കാന് നിര്ദ്ദേശിച്ചു. ഉടന് തന്നെ എസ്റ്റിമേറ്റ് സമര്പ്പിക്കാന് മന്ത്രി യോഗത്തിനെത്തിയ പൊതുമരാമത്ത് വകുപ്പ് ഉന്നത ഉദ്യോഗസ്ഥര്ക്ക് നിര്ദ്ദേശം നല്കി. പ്രവ്യത്തിക്ക് പണം തടസ്സമാകില്ലെന്നും മന്ത്രി പറഞ്ഞു. കുടകില് ഈ വര്ഷത്തെ കാല വര്ഷത്തില് തുടക്കത്തില് തന്നെ വന് നാശനഷടമാണ് ഉണ്ടായിട്ടുള്ളത് നാശനഷ്ടം വിലയിരുത്തിയുള്ള കണക്കെടുപ്പ് തയ്യാറാക്കുന്നതില് ജില്ലാ ഭരണകൂടം വേഗത കാണിക്കുന്നിലെന്ന പരാതിയും യോഗത്തില് ഉയര്ന്നു.
പ്രതികരിക്കാൻ ഇവിടെ എഴുതുക: