തിരുവനന്തപുരം: ഋഗ്വേദത്തിനു മുന്നേ ഭാരതത്തില് യോഗ പ്രചാരത്തിലുണ്ടായിരുന്നുവെന്ന് മുഖ്യമന്ത്രി പിണറായി വിജയന്. മതപരിവേഷങ്ങള് ചാര്ത്തിക്കൊടുത്ത് യോഗയെ ജനങ്ങളില് നിന്ന് അകറ്റാനുള്ള ശ്രമങ്ങള് നടത്തുന്നു. യോഗ ചെയ്യുമ്പോള് ഋഗ്വേദത്തിലെ ചില ശ്ലോകങ്ങള് ചൊല്ലണമെന്നാണ് വാദം. യോഗ ഒരു പ്രത്യേക മതത്തിന്റെ സ്വന്തമാണെന്ന് സ്ഥാപിക്കാനാണ് ഇങ്ങനെയുള്ള പ്രചാരണങ്ങള് കൊണ്ടുദ്ദേശിക്കുന്നത്. ഇത് യോഗയുടെ ജനപ്രീതി കുറയ്ക്കുന്ന പ്രവണതയാണ്.
വികസിത രാജ്യങ്ങള് പോലും യോഗയില് വലിയ താത്പര്യമാണ് കാണിക്കുന്നതെന്ന് മുഖ്യമന്ത്രി പറഞ്ഞു. വ്യാപകമായിക്കൊണ്ടിരിക്കുന്ന ജീവിതശൈലീരോഗങ്ങള്ക്ക് യോഗ ഫലപ്രദമായ പരിഹാരമാണ്. ആരോഗ്യകരമായി ചിന്തിക്കുന്നവര്ക്കേ യോഗയെ ഫലപ്രദമായി ഉപയോഗിക്കാനാവൂ. സമൂഹത്തെ സ്നേഹിക്കാനാവുന്ന ഒരു മനസ്സ് യോഗാഭ്യാസികള്ക്ക് കൈവരിക്കാനാവും. കുപ്രചരണങ്ങളുടെ അടിസ്ഥാനത്തില് യോഗയോട് ആരും മുഖം തിരിക്കുന്നത് ശരിയല്ല. അന്താരാഷ്ട്ര നിലവാരമുള്ള യോഗ നാച്ചുറോപ്പതി സെന്റര് ആരംഭിക്കമെന്നും മുഖ്യമന്ത്രി പറഞ്ഞു.
ആരോഗ്യ മന്ത്രി കെ.കെ. ശൈലജ അധ്യക്ഷത വഹിച്ചു. സ്പീക്കര് പി. ശ്രീരാമകൃഷ്ണന്, വി.എസ്. ശിവകുമാര് എംഎല്എ, അഡീഷണല് ചീഫ് സെക്രട്ടറി രാജീവ് സദാനന്ദന്, നാഷണല് ആയുഷ് മിഷന് സ്റ്റേറ്റ് ഡയറക്ടര് കേശവേന്ദ്രകുമാര്, ആയുഷ് വകുപ്പ് ഡെപ്യൂട്ടി സെക്രട്ടറി ഡോ. നവജ്യോത് ഖോസ തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: