ന്യൂദല്ഹി: കൊച്ചി മെട്രോയുടെ നിര്മാണ ചുമതല ദല്ഹി മെട്രൊ റെയില് കോര്പ്പറേഷന് ഏറ്റെടുക്കുന്നതു സംബന്ധിച്ചു തീരുമാനമെടുത്തിട്ടില്ലെന്നു ദല്ഹി മുഖ്യമന്ത്രി ഷീല ദീക്ഷിത് അറിയിച്ചു. ദല്ഹി മെട്രോ പദ്ധതികളെ ബാധിക്കാതെ കൊച്ചി മെട്രോ ഏറ്റെടുക്കാനാകുമോയെന്നു പരിശോധിക്കണമെന്നും അവര് പറഞ്ഞു.
ദല്ഹി മെട്രോയുടെ മൂന്നും നാലും ഘട്ടം ജോലികള് പുരോഗമിക്കുയാണ്. ഏറ്റെടുത്ത എല്ലാ പദ്ധതികളും ഡിഎംആര്സിക്ക് ഒരുമിച്ചു കൊണ്ടുപോകാനാകുമോയെന്നു പഠിക്കേണ്ടതുണ്ടെന്നും ദീക്ഷിത് പറഞ്ഞു. ദല്ഹി മലയാളി അസോസിയേഷന് പ്രതിനിധികളുമായി നടത്തിയ ചര്ച്ചയ്ക്കു ശേഷം മാധ്യമങ്ങളോടു സംസാരിക്കുകയായിരുന്നു അവര്.
പ്രതികരിക്കാൻ ഇവിടെ എഴുതുക: