തിരുവനന്തപുരം: ശ്രീപത്മനാഭസ്വാമി ക്ഷേത്രത്തില് നിലവറകളില് സൂക്ഷിച്ചിരിക്കുന്ന അമൂല്യശേഖര വസ്തുക്കള് പൊതുജനങ്ങൾക്ക് ദർശനത്തിനായി വയ്ക്കാൻ സർക്കാർ ഒരുങ്ങുന്നു. ഇതിനുവേണ്ടി സുപ്രീംകോടതിയെ സമീപിച്ച് അനുമതി തേടുമെന്നും ദേവസ്വം മന്ത്രി കടകംപള്ളി സുരേന്ദ്രൻ അറിയിച്ചു.
രാജകുടുംബത്തിന്റെ കൂടി അഭിപ്രായം പരിഗണിച്ച് മാത്രമേ ഇക്കാര്യത്തിൽ അന്തിമതീരുമാനമെടുക്കുകയുള്ളൂവെന്നും അദ്ദേഹം വ്യക്തമാക്കി. ആറ് നിലവറകളിലായാണ് ശേഖരം സൂക്ഷിച്ചിരിക്കുന്നത്. അതേസമയം ദര്ശനത്തോട് എതിര്പ്പില്ലെങ്കിലും അമൂല്യശേഖര വസ്തുക്കള് ക്ഷേത്രവളപ്പില് നിന്ന് പുറത്ത് പോകരുതെന്നാണ് രാജകുടുംബത്തിന്റെ നിലപാടെന്ന് അശ്വതി തിരുനാള് ഗൗരി ലക്ഷ്മി ഭായ് പറഞ്ഞു. ശേഖരത്തിന്റെ ദർശനമാവാം പക്ഷേ പ്രദർശനമാവരുതെന്നും അവര് കൂട്ടിച്ചേര്ത്തു.
നൂറ്റാണ്ടുകള് പഴക്കമുളളതും ലക്ഷം കോടിയിലേറെ രൂപ മൂല്യമുള്ളതുമായ ശേഖരം ദര്ശനത്തിനായി തുറന്നു കൊടുക്കാനായാല് സംസ്ഥാനത്തിന്റെ ടൂറിസം മേഖലയ്ക്ക് അത് വന് കുതിപ്പാകുമെന്നാണ് സംസ്ഥാന സര്ക്കാര് കണക്ക് കൂട്ടുന്നത്.
പ്രതികരിക്കാൻ ഇവിടെ എഴുതുക: