തിരുവനന്തപുരം: ടോം ജോസ് പുതിയ ചീഫ് സെക്രട്ടറി നിയമിക്കാന് മന്ത്രിസഭായോഗം തീരുമാനിച്ചു. നിലവിലെ ചീഫ് സെക്രട്ടറി പോള് ആന്റണി ശനിയാഴ്ച വിരമിക്കുന്ന ഒഴിവിലേക്കാണ് ടോം ജോസിനെ സര്ക്കാര് നിയമിച്ചത്. നിലവില് അഡീഷണല് ചീഫ് സെക്രട്ടറിയാണ് ടോം ജോസ്.
1984 ബാച്ച് ഐഎഎസ് ഉദ്യോഗസ്ഥനായ ടോം ജോസിന് 2020 മേയ് 31 വരെ സര്വീസുണ്ട്. നിലവില് തൊഴില്, ജലവിഭവം, നികുതി വകുപ്പുകളുടെ അഡീഷണല് ചീഫ് സെക്രട്ടറിയാണ് ടോം ജോസ്.
കേരള കേഡര് ഐഎഎസ് ഉദ്യോഗസ്ഥരായ എ.കെ. ദുബെ, അരുണ സുന്ദര്രാജ് എന്നിവര് ടോം ജോസിനെക്കാള് മുതിര്ന്നവരാണെങ്കിലും ഇരുവരും ഇപ്പോള് കേന്ദ്രസര്വീസിലാണ്. ഇരുവരും സംസ്ഥാനത്തേക്ക് തിരിച്ചുവരാത്തതിനാലാണ് ടോം ജോസിനെ പരിഗണിച്ചത്.
പ്രതികരിക്കാൻ ഇവിടെ എഴുതുക: