തിരുവനന്തപുരം: മലയാള ചലച്ചിത്രരംഗത്തെ അഭിനേതാക്കളുടെ സംഘടനയായ അമ്മയില് നിന്നു ഭാവനയും മറ്റു മൂന്ന് നടികളും രാജിവയ്ക്കാനെടുത്ത തീരുമാനം ഉചിതമായെന്ന് വി. മുരളീധരന് എംപി ഫേസ്ബുക്ക് പോസ്റ്റില് കുറിച്ചു.
മോഹന്ലാല് എന്ന മഹാനായ നടന് അമ്മയുടെ അധ്യക്ഷസ്ഥാനം ഏറ്റെടുത്തശേഷം കൈക്കൊണ്ട ആദ്യ സുപ്രധാന തീരുമാനം ദിലീപിനെ തിരിച്ചെടുക്കാനായിരുന്നു എന്നത് ദൗര്ഭാഗ്യകരമാണ്. മോഹന്ലാലിന്റെ പ്രതിച്ഛായയ്ക്ക് തന്നെ കളങ്കം വരുത്തിയ തീരുമാനമായിരുന്നു അത്.
മലയാളികളുടെ ജനാധിപത്യബോധത്തിനു നേരെയുള്ള വെല്ലുവിളിയാണ് അമ്മയില് നടക്കുന്നതായി റിപ്പോര്ട്ട് ചെയ്തുകൊണ്ടിരിക്കുന്ന സംഭവങ്ങള്. അമ്മയുടെ ജനാധിപത്യസ്വഭാവം നിലനിര്ത്താന് അധ്യക്ഷനെന്ന നിലയില് മോഹന്ലാല് മുന്കൈ എടുക്കണമെന്നാണ് അദ്ദേഹത്തെ സ്നേഹിക്കുന്ന ലക്ഷക്കണക്കിന് മലയാളികളില് ഒരാള് എന്ന നിലയില് തനിക്ക് അഭ്യര്ഥിക്കാനുള്ളതെന്നും അദ്ദേഹം പറയുന്നു.
പ്രതികരിക്കാൻ ഇവിടെ എഴുതുക: