ശ്രീനഗര്: ജമ്മു കശ്മീരിലെ പുല്വാമയില് സൈന്യവും ഭീകരരും തമ്മില് ഏറ്റുമുട്ടല്. മൂന്ന് ഭീകരരെ സൈന്യം വധിച്ചു. ഇന്ന് രാവിലെ കാശ്മീരിലെ കുപ് വാരയിലും ഷോപ്പിയാനിലും സൈന്യവും ഭീകരരും തമ്മില് ഏറ്റുമുട്ടലുണ്ടായിരുന്നു. ഇതിന്റെ തുടര്ച്ചയായുണ്ടായ ഏറ്റുമുട്ടലിലാണ് സൈന്യം ഭീകരരെ വധിച്ചത്.
കുപ് വാരയില് രാവിലെയുണ്ടായ ഏറ്റമുട്ടലില് ഒരു ഭീകരനെ സൈന്യം വധിച്ചിരുന്നു. ഭീകരര് ഒളിച്ചിരിപ്പുണ്ടെന്ന രഹസ്യ വിവരത്തെ തുടര്ന്ന് സൈനികര് നടത്തിയ തിരച്ചിലിനിടെയാണ് ഏറ്റുമുട്ടല് ഉണ്ടായത്.
അതേസമയം, ഷോപിയാനിലെ അഖമില് സൈനിക പട്രോളിംഗിന് നേരെ ഭീകരര് ഗ്രനേഡ് ആക്രമണം നടത്തുകയായിരുന്നു. ആക്രമണത്തില് ഒരു ജവാന് പരിക്കേറ്റിരുന്നു.
പ്രതികരിക്കാൻ ഇവിടെ എഴുതുക: