ഇനി ഇ-പാന്‍ സ്വന്തമാക്കാം മിനിറ്റുകള്‍ക്കുള്ളില്‍

Saturday 30 June 2018 12:19 pm IST

ന്യൂദല്‍ഹി:  ഇ-പാന്‍ സേവനത്തിന്​തുടക്കം കുറിച്ച്‌​ ആദായനികുതി വകുപ്പ്​. ഇതിലൂടെ മിനിറ്റുകള്‍ക്കുള്ളില്‍ തന്നെ പാന്‍ കാര്‍ഡ് സ്വന്തമാക്കാം. ആദായ നികുതി വകുപ്പിന്റെ പോര്‍ട്ടലില്‍ ലോഗ്​ ഇന്‍ ചെയ്ത്​ ഇ-പാന്‍ സംവിധാനം ഉപയോഗപ്പെടുത്താനാവും. വ്യക്തികള്‍ക്ക്​ മാത്രമാവും പുതിയ സേവനം ആസ്വദിക്കാനാവുക. 

ഇ-പാന്‍ ലഭിക്കുന്നതിനായി പ്രത്യേകിച്ച്‌​ രേഖകളൊന്നും നല്‍കേണ്ടതില്ല.  ആദ്യം വരുന്നവര്‍ക്ക്​ആദ്യമെന്ന രീതിയിലാവും ഇ-പാന്‍ സേവനം നല്‍കുകയെന്ന്​ആദായ നികുതി വകുപ്പ്​വ്യക്തമാക്കിയിട്ടുണ്ട്​. ആധാര്‍ വിവരങ്ങളുടെ അടിസ്ഥാത്തിലാവും ഇ-പാന്‍ നല്‍കുക. ഇതിനൊപ്പം ഒപ്പ്​ കൂടി അപ്​ലോഡ്​ ചെയ്യണം. ഇ-പാനിനായി ഓണ്‍ലൈന്‍ അപേക്ഷ നല്‍കിയതിന് ശേഷം​ ആധാര്‍ നമ്പറുമായി ബന്ധിപ്പിച്ച മൊബൈല്‍ നമ്ബറിലേക്ക്​വരുന്ന ഒടിപി കൂടി നല്‍കി സേവനം ആരംഭിക്കാന്‍ സാധിക്കും.

മുഴുവന്‍ വിവരങ്ങള്‍ നല്‍കികഴിഞ്ഞാല്‍ പാന്‍ കാര്‍ഡ്​നമ്പര്‍, ആധാറുമായി ബന്ധപ്പിക്കപ്പെട്ടിട്ടുള്ള മൊബൈല്‍ നമ്പറിലേക്കും ഇമെയിലിലേക്കും വരും. പാന്‍ കാര്‍ഡ്​എളുപ്പത്തില്‍ നല്‍കുന്നതിനും പേപ്പര്‍രഹിത ഇടപാടുകള്‍ പ്രോല്‍സാഹിപ്പിക്കുന്നതിനുമാണ്​ആദായ നികുതി വകുപ്പ്​ പുതിയ സേവനം അവതരിപ്പിച്ചിരിക്കുന്നത്​.

ഹിന്ദു അണ്‍ഡിവൈഡഡ്​ഫാമിലി, സ്ഥാപനങ്ങള്‍, ട്രസ്റ്റ്​, കമ്പനികള്‍ എന്നിവക്കൊന്നും പുതിയ സേവനം ലഭ്യമാവില്ല. 

 

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.