മോസ്കോ: ഫിഫ ലോകകപ്പ് ഫുട്ബോളില് ജപ്പാനെ പരാജയപ്പെടുത്തി ബെല്ജിയം ക്വാര്ട്ടറില് പ്രവേശിച്ചു. രണ്ടിനെതിരെ മൂന്നു ഗോളുകള്ക്കാണ് ജപ്പാനെ പരാജയപ്പെടുത്തിയത്.
ആദ്യപകുതി കഴിഞ്ഞിറങ്ങിയ ജപ്പാന് ആറ് മിനുട്ടുകള്ക്കുള്ളില് തന്നെ ബെല്ജിയത്തിന്റെ ഗോള്വലകള് കുലുക്കുകയായിരുന്നു. എന്നാല് 69-ാം മിനുട്ടിലും 74-ാം മിനുട്ടിലും ബെല്ജിയം ഗോളടിക്കുകയും ഒപ്പത്തിനൊപ്പമായി കളി മുറുകുകയുമായിരുന്നു.
മത്സരം എക്സ്ട്രാടൈമിലേക്കെത്തുമെന്ന് കരുതിയിരുന്നുവെങ്കിലും 94-ാം മിനുട്ടില് ബെല്ജിയം ഗോള് നേടി ജപ്പാന്റെ ക്വാര്ട്ടര് പ്രതീക്ഷയെ തല്ലിക്കെടുത്തുകയായിരുന്നു. വെള്ളിയാഴ്ച രാത്രി 11.30 മണിയോടെ ബ്രസീലിനൊപ്പമാണ് ബെല്ജിയത്തിന്റെ ക്വാര്ട്ടര് മത്സരം.
പ്രതികരിക്കാൻ ഇവിടെ എഴുതുക: