കാഞ്ഞിരപ്പള്ളി: എല്ലാ പ്രവൃത്തി ദിവസങ്ങളിലും ട്രഷറികളില് നിന്ന് അംഗീകൃത വെണ്ടര്മാര്ക്ക് ആവശ്യാനുസരണം മുദ്രപത്രങ്ങള് വിതരണം ചെയ്യുവാന് ട്രഷറി ഓഫീസര്മാര്ക്ക് നിര്ദേശം നല്കിയിട്ടുണ്ടെന്ന് സംസ്ഥാന ട്രഷറി ഡയറക്ടര് എ.എം ജാഫര് കാഞ്ഞിരപ്പള്ളി താലൂക്ക് ലീഗല് സര്വീസ് കോടതിയെ അറിയിച്ചു.
മുദ്രപത്രവും റവന്യൂ സ്റ്റാമ്പും കിട്ടാനില്ലെന്നും അംഗീകൃത വെണ്ടര്മാര്ക്ക് ചൊവ്വ, വെള്ളി ദിവസങ്ങളില് മാത്രമേ വിതരണമുള്ളൂ എന്നും ആരോപിച്ച് പിയുസിഎല് ജില്ലാ ജനറല് സെക്രട്ടറി എച്ച്. അബ്ദുല് അസീസ് കാഞ്ഞിരപ്പള്ളി താലൂക്ക് ലീഗല് സര്വ്വീസ് കോടതിയില് ഹര്ജി നല്കിയിരുന്നു.
ട്രഷറി ഡയറക്ടറുടെ രേഖാമൂലമുള്ള സത്യവാങ്മൂലത്തിന്റെ അടിസ്ഥാനത്തില് കേസിന്റെ തുടര് നടപടികള് അവസാനിപ്പിച്ചുകൊണ്ട് കോടതി ഉത്തരവിട്ടു.
പ്രതികരിക്കാൻ ഇവിടെ എഴുതുക: