കോട്ടയം: കെവിന് വധക്കേസിലെ ഗൂഢാലോചനയില് യാതൊരു പങ്കുമില്ലെന്ന് നീനുവിന്റെ അമ്മ രഹ്ന. കോട്ടയത്ത് അന്വേഷണ ഉദ്യോഗസ്ഥര്ക്ക് മുമ്പില് ഹാജരാകാന് എത്തിയപ്പോഴായിരുന്നു രഹ്ന ഇക്കാര്യം പറഞ്ഞത്.
കെവിനുമായി അടുപ്പമുണ്ടെന്ന് നീനു തന്നോട് പറഞ്ഞിട്ടില്ല. കോളേജില് പോകുന്ന വഴിക്ക് കെവിന് ശല്യപ്പെടുത്തിയിരുന്നതായി നീനു പറഞ്ഞിട്ടുണ്ട്. അതിന് ശേഷം കെവിനെ കണ്ട്, മകളെ ശല്യപ്പെടുത്തരുതെന്ന് വിലക്കിയിരുന്നു. മകളുടെ സന്തോഷമായിരുന്നു തനിക്ക് വലുത്. ആരോടെങ്കിലും ഇഷ്ടമുണ്ടായിരുന്നെങ്കില് വിവാഹം നടത്തിക്കൊടുക്കാമെന്ന് പറഞ്ഞിരുന്നതാണ്. നീനുവിനോട് അടുപ്പം കാണിക്കുന്നവരെ ഭയപ്പെടുത്താറുണ്ടായിരുന്നുവെന്ന ആരോപണം തെറ്റാണ്.
നീനുവിന്റെ ഇരുപതാം പിറന്നാളിന് ഒരു സ്കൂട്ടി വാങ്ങിക്കൊടുത്തിരുന്നു. മറ്റൊരിക്കല് ഡയമണ്ടിന്റെ മോതിരവും മാലയും വാങ്ങിക്കൊടുത്തു. ഇതൊന്നും ഇപ്പോള് നീനുവിന്റെ കൈയില് ഇല്ലെന്നും രഹ്ന പറഞ്ഞു. കെവിന്റെ വീട്ടില് പോയിരുന്നു. അപ്പോള് അവിടെ ആണുങ്ങള് മാത്രമാണ് ഉണ്ടായിരുന്നത്. മകളെ ഒന്നു കാണാന് സമ്മതിക്കണമെന്ന് പറഞ്ഞിരുന്നു. എന്നാല് വീട്ടുകാര് അനുവദിച്ചില്ലെന്നും നീനു ഹോസ്റ്റലില് ആണെന്നുമാണ് അവര് പറഞ്ഞതെന്നും നീനു വെളിപ്പെടുത്തി.
നീനുവിന് മാനസിക പ്രശ്നങ്ങളുണ്ട്. അതിന്റെ ചികിത്സയിലാണ് നീനു. മകന് ഷാനു ഗള്ഫില്നിന്ന് വന്ന കാര്യം അറിഞ്ഞിട്ടില്ല. ഒളിവില് പോയിട്ടില്ലെന്നും നാട്ടില്ത്തന്നെയുണ്ടായിരുന്നുവെന്നും അവര് കൂട്ടിച്ചേര്ത്തു. ഭത്താവും മകനും താനും കുറ്റക്കാരല്ലെന്നും അവര് പറഞ്ഞു.
പ്രതികരിക്കാൻ ഇവിടെ എഴുതുക: