വാഴ്സോ: ലോകകപ്പില് ആദ്യ റൗണ്ടില് പുറത്തായ പോളണ്ടിന്റെ കോച്ചും രാജി പ്രഖ്യാപിച്ചു. ആദം നവാല്ക്കയാണ് കഴിഞ്ഞ ദിവസം കോച്ച് സ്ഥാനത്തുനിന്ന് രാജിവയ്ക്കുകയാണെന്ന് പറഞ്ഞത്. ജൂലൈ അവസാനത്തോടെ സ്ഥാനത്തുനിന്ന് പടിയിറങ്ങുമെന്നാണ് നവാല്ക്കയുടെ പ്രഖ്യാപനം.
ലോകകപ്പില് ഗ്രൂപ്പിലെ മൂന്ന് മത്സരങ്ങളില് ഒരെണ്ണത്തില് മാത്രമാണ് പോളണ്ടിന് ജയിക്കാനായത്. സെനഗലിനോടും കൊളംബിയയോടും തോറ്റ അവര് ജപ്പാനെ 1-0ന് കഷ്ടിച്ച് മറികടക്കുകയായിരുന്നു. റോബര്ട്ടോ ലെവന്ഡോവ്സ്കി ഉള്പ്പെടെയുള്ള സൂപ്പര് താരങ്ങള് ദയനീയ പ്രകടനം നടത്തിയതാണ് പോളണ്ടിന് ലോകകപ്പില് തിരിച്ചടിയായത്. 2013 ഒക്ടോബറിലാണ് നവാല്ക്ക പോളിഷ് ദേശീയ ടീം കോച്ചായി ചുതലയേറ്റത്.
പ്രതികരിക്കാൻ ഇവിടെ എഴുതുക: