കൊച്ചി: മഹാരാജാസ് കോളജിലെ ബിരുദവിദ്യാര്ഥിയും എസ്എഫ്ഐ നേതാവുമായിരുന്ന അഭിമന്യുവിനെ കൊലപ്പെടുത്തിയ കേസില് കൂടുതല് അറസ്റ്റ് ഉണ്ടാകുമെന്ന് ഡിജിപി ലോക്നാഥ് ബെഹ്റ. കൊലപാതകത്തിൽ പങ്കുള്ളവരെക്കുറിച്ച് കൂടുതൽ വ്യക്തമായ സൂചന ലഭിച്ചെന്ന് അദ്ദേഹം വ്യക്തമാക്കി.
കേസുമായി ബന്ധപ്പെട്ട് നാലുപേരാണ് ഇതുവരെ അറസ്റ്റിലായത്. കേസിലെ ഒന്നാം പ്രതി ഉള്പ്പെടെയുള്ളവര്ക്കായി തെരച്ചില് ഉൗര്ജിതമാക്കിയിരിക്കുകയാണ് പോലീസ്. 11 പേരാണ് ഇനിയും പിടിയിലാകാനുള്ളത്.
മൂവാറ്റുപുഴയില് കോളജ് അധ്യാപകന്റെ കൈവെട്ടിയ കേസിലും എസ്ഡിപിഐ, പോപ്പുലര് ഫ്രണ്ട് എന്നിവയുമായി ബന്ധപ്പെട്ട കേസിലും ഒളിവില് കഴിയുന്നതോ ജാമ്യത്തിലിറങ്ങിയിട്ടുള്ളതോ ആയ പ്രതികള്ക്ക് അഭിമന്യുവിന്റെ കൊലപാതകത്തില് എന്തെങ്കിലും ബന്ധമുണ്ടോയെന്ന് എന്ഐഎയും അന്വേഷിക്കും.
പ്രതികരിക്കാൻ ഇവിടെ എഴുതുക: