കൊച്ചി: മുന് മന്ത്രി തോമസ് ചാണ്ടിക്കെതിരായ വിജിലന്സ് കേസില് ഹൈക്കോടതി രജിസ്ട്രാര്ക്ക്സിംഗിള് ബെഞ്ചിന്റെ രൂക്ഷ വിമര്ശനം. വിജിലന്സ് കേസ് റദ്ദാക്കണമെന്ന ഹര്ജി ഇന്നത്തെ ലിസ്റ്റില് ഉള്പ്പെടുത്തിയിരുന്നില്ല. ഇക്കാര്യം പരാതിക്കാരന് സുഭാഷിന്റെ അഭിഭാഷകന് കോടതിയുടെ ശ്രദ്ധയില് പെടുത്തിയപ്പോഴാണ് രജിസ്ട്രാറെ വിമര്ശിച്ചത്.
രജിസ്ട്രാര്, ഡപ്യൂട്ടി രജിസ്ട്രാര് എന്നിവരോട് ചേംബറില് ഹാജരാകാന് കോടതി നിര്ദേശിച്ചു. ഇന്ന് 1.30 ന് ഇരുവരും ചേംബറില് ഹാജരാകണം. കേസ് 1.45 ന് പരിഗണിക്കും. ഇത്തരം പ്രവണതകള് വച്ചുപൊറുപ്പിക്കാനാകില്ലെന്ന്ജസ്റ്റിസ് സുധീന്ദ്ര കുമാര് അദ്ധ്യക്ഷനായ ബെഞ്ച് വിമര്ശിച്ചു.
തോമസ് ചാണ്ടിയുടെ ഉടമസ്ഥതയിലുള്ള വാട്ടര് വേള്ഡ് ടൂറിസം കമ്ബനി നിലം നികത്തിയതുമായി ബന്ധപ്പെട്ട കേസിന്റെ എഫ്.ഐ.ആര് റദ്ദാക്കണമെന്ന ഹര്ജിയാണ് ലിസ്റ്റില് ചേര്ക്കാതിരുന്നത്. കേസ് ഇന്ന് പരിഗണിക്കുമെന്ന് നേരത്തെ അറിയിച്ചിരുന്നു.
പ്രതികരിക്കാൻ ഇവിടെ എഴുതുക: