കൊച്ചി: കലാലയ രാഷ്ട്രീയം നിയന്ത്രിക്കാന് ആവില്ലെന്ന് സര്ക്കാര് ഹൈക്കോടതിയില്. അഭിമന്യൂ കൊലപാതകത്തിന്റെ പശ്ചാത്തലത്തില് ക്യാമ്പസ് രാഷ്ട്രീയം നിരോധിക്കണമെന്ന ഹര്ജിയിലാണ് സര്ക്കാര് നിലപാട് അറിയിച്ചത്. അഭിമന്യുവിന്റെ കൊലപാതകം ഒറ്റപ്പെട്ട സംഭവമാണെന്നും സര്ക്കാര് അറിയിച്ചു.
കലാലയത്തിന് അകത്തും പുറത്തും നടക്കുന്ന കൊലപാതകങ്ങള് തമ്മില് വ്യത്യാസമില്ലെന്ന് കോടതി നിരീക്ഷിച്ചു. ചെങ്ങന്നൂര് സ്വദേശി അജോയ് ആണ് ഹര്ജി സമര്പ്പിച്ചിരുന്നത്. കലാലയ രാഷ്ട്രീയത്തിന് നിയന്ത്രണം ഏര്പ്പെടുത്തുന്നത് സംബന്ധിച്ച് മാര്ഗനിര്ദേശം പുറപ്പെടുവിക്കണമെന്ന് 2004ല് ഹൈക്കോടതി സര്ക്കാരിന് നിര്ദേശം നല്കിയിരുന്നു. എന്നാലിത് പാലിക്കുന്നതില് സര്ക്കാരിന് വീഴ്ച പറ്റിയിരുന്നു.
അതിനാല് മഹാരാജാസ് കൊലപാതകത്തില് സര്ക്കാര് സംവിധാനങ്ങള്ക്ക് ഉത്തരവാദിത്തമുണ്ടെന്ന് ഹര്ജിക്കാരന് ചൂണ്ടിക്കാട്ടിയിരുന്നു.
പ്രതികരിക്കാൻ ഇവിടെ എഴുതുക: