ന്യൂദല്ഹി: ആയുഷ്മാന് ഭാരത് ദേശീയ ആരോഗ്യ സംരക്ഷണ പദ്ധതിക്കു കീഴിലുള്ള ആനുകൂല്യങ്ങള് ലഭിക്കാന് ആധാര് കാര്ഡ് നിര്ബന്ധമാണെന്ന വാര്ത്തകള് തെറ്റാണെന്ന് കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു. പദ്ധതി നടപ്പാക്കുന്ന ഏജന്സികള് ഗുണഭോക്താക്കളുടെ ഐഡന്റിറ്റി തെളിയിക്കാന് അവരുടെ ആധാര് കാര്ഡ് ചോദിക്കണമെന്ന് പറയുന്നുണ്ട്. പക്ഷേ, ആധാര് കാര്ഡിന്റെ ഉപയോഗം അഭിലഷണീയമാണ്, നിര്ബന്ധമല്ല.
ഗുണഭോക്താക്കള്ക്ക് ആധാര് ഇല്ലെങ്കിലും സേവനങ്ങള് ലഭ്യമാക്കുമെന്ന് കേന്ദ്ര ആരോഗ്യമന്ത്രി ജെ.പി. നദ്ദ ഉറപ്പ് നല്കി. ഗുണഭോക്താക്കള്ക്ക് ആധാര് ഇല്ലെങ്കില് റേഷന് കാര്ഡ്, വോട്ടര് ഐഡി കാര്ഡ്, എംജിഎന്ആര്ഇജിഎ കാര്ഡ് തുടങ്ങിയ മറ്റ് ഐഡന്റിറ്റി കാര്ഡുകള് ഉപയോഗിക്കാം.
പ്രതികരിക്കാൻ ഇവിടെ എഴുതുക: