പിലാത്തറ: ആശുപത്രിയിലെ മാലിന്യങ്ങളും പ്ലാസ്റ്റിക് കുപ്പികളുമടക്കമുള്ളവ കുടുംബാരോഗ്യ കേന്ദ്രം കോമ്പൗണ്ടില് കുഴിച്ചിട്ടു. ചെറുതാഴം പിഎച്ച്സിയുടെ കീഴിലുള്ള അറത്തില് ചെറുപ്പാറയിലെ കുടുംബക്ഷേമ ഉപകേന്ദ്രത്തിലാണ് മാലിന്യങ്ങള് നിക്ഷേപിച്ചത്.പത്തു സെന്റ് വിസ്തൃതി മാത്രമുള്ള ഈ ആരോഗ്യ കേന്ദ്രത്തിന്റെ മതിനകത്താണ് കുഴിയെടുത്ത് മാലിന്യങ്ങള് ഇട്ട് മൂടിയത്.
വിവിധ ഭാഗങ്ങളില് നിന്നുള്ള മാലിന്യങ്ങള് ഏറെ നാളായി ഇവിടെ കൂട്ടിയിട്ട് കിടക്കുകയായിരുന്നു. ഈ മതിലിനോട് ചേര്ന്നാണ് ചെറുപ്പാറ അങ്കണവാടി പ്രവര്ത്തിക്കുന്നത്. പകര്ച്ചവ്യാധികളടക്കം വ്യാപകമാകുന്ന ഈ സീസണില് ശുചിത്വ ബോധവല്ക്കരണവും മഴക്കാല രോഗ പ്രതിരോധ പ്രവര്ത്തനങ്ങളും സജീവമാക്കുന്ന വേളയില് നിരവധി ആളുകള് എത്തുന്ന ആരോഗ്യ കേന്ദ്രത്തെ മാലിന്യ നിക്ഷേപ കേന്ദ്രമാക്കി എന്ന് ആക്ഷേപമുണ്ട്.
പ്രതികരിക്കാൻ ഇവിടെ എഴുതുക: