പാലക്കാട് : പൊള്ളാച്ചിയില് നിന്നും വിതരണത്തിനായി കൊണ്ടു വന്ന അഞ്ചു ലക്ഷം രൂപയുടെ കുഴല്പ്പണവുമായി രണ്ട് രാജസ്ഥാന് സ്വദേശികളെ പാലക്കാട് ടൗണ് നോര്ത്ത് പോലീസ് അറസ്റ്റു ചെയ്തു. രാജസ്ഥാന് ബിക്കാനിയ സ്വദേശി രം രത്തന് (25), സുസാന് ഘട്ട് സ്വദേശി വികാസ്(20) എന്നിവരെയാണ് ടൗണ് നോര്ത്ത് എസ് ഐ ആര്. രഞ്ജിത്തും സംഘവും അറസ്റ്റ് ചെയ്തത്.
ഇന്ന് രാവിലെ പാലക്കാട് ടൗണ് റെയില്വേ സ്റ്റേഷനു മുന്പില് നിന്നും കസ്റ്റഡിയിലെടുത്തത്. ശരീരത്തില് ഒളിപ്പിച്ചാണ് പണം കൊണ്ടുവന്നത്. നടപടിക്രമങ്ങള്ക്കു ശേഷം പ്രതികളെ കോടതിയില് ഹാജരാക്കി.
അഡീഷണല് എസ്.ഐ പുരുഷോത്തമന് പിള്ള, റെയില്വേ പോലീസ് സീനിയര് സി.പി.ഒ സജി അഗസ്റ്റിന്, ക്രൈം സ്ക്വാഡ് അംഗങ്ങളായ ആര്. കിഷോര്, എം. സുനില്, കെ. അഹമ്മദ് കബീര്, ആര്. വിനീഷ്, ആര്. രാജീദ് എന്നിവരും പരിശോധനയില് പങ്കെടുത്തു.
പ്രതികരിക്കാൻ ഇവിടെ എഴുതുക: