കോട്ടയം: കന്യാസ്ത്രീയെ പീഡിപ്പിച്ച കേസില് ബിഷപ് ഡോ. ഫ്രാങ്കോ മുളയ്ക്കലിനെ ചോദ്യം ചെയ്യുന്നതിനായി നാലംഗ അന്വേഷണ സംഘം അടുത്ത ദിവസം ജലന്തറിലേക്കു പോകും. വൈക്കം ഡിവൈഎസ്പി കെ.സുഭാഷിന്റെ നേതൃത്വത്തില് വനിതാ സിവില് പോലീസ് ഓഫിസര്മാര് അടക്കമുള്ള സംഘമാണു പോകുന്നത്.
തെളിവെടുപ്പു പൂര്ത്തിയായ സാഹചര്യത്തില് ബിഷപ്പിനെ ജലന്തറിലെത്തി ചോദ്യം ചെയ്യാന് ഡിജിപിയുടെ അനുമതി ലഭിച്ചുവെന്നാണ് അറിവ്. ജലന്തറിലേക്കു പോകുന്നതിനു മുന്പ് അന്വേഷണ സംഘം കര്ദിനാള് മാര് ജോര്ജ് ആലഞ്ചേരിയുടെ മൊഴി എടുക്കും. നേരത്തെ, ജില്ലാ പോലീസ് മേധാവി ഹരിശങ്കര് സംസ്ഥാന പോലീസ് മേധാവി ലോക്നാഥ് ബെഹ്റയെ തിരുവനന്തപുരത്ത് പോലീസ് ആസ്ഥാനത്ത് എത്തി കണ്ട് അന്വേഷണം സംബന്ധിച്ചു ചര്ച്ച നടത്തിയിരുന്നു.
കഴിഞ്ഞ ദിവസം മൊഴിയെടുക്കാന് ആലോചിച്ചിരുന്നെങ്കിലും കര്ദിനാള് തമിഴ്നാട്ടില് ആയതു മൂലം മാറ്റിവയ്ക്കുകയായിരുന്നെന്ന് ഡിവൈഎസ്പി പറഞ്ഞു. ജലന്തര് ബിഷപ്പിനെതിരെ 2015 നവംബറില് കര്ദിനാളിനോടു പരാതി പറഞ്ഞതായി കന്യാസ്ത്രീ മൊഴി നല്കിയിട്ടുണ്ട്.
പ്രതികരിക്കാൻ ഇവിടെ എഴുതുക: