തിരുവനന്തപുരം: വ്യവസായ വളര്ച്ചയിലൂടെ കൂടുതല് തൊഴിലവസരങ്ങള് സൃഷ്ടിക്കുന്നതിന് ഊന്നല് നല്കുന്ന വ്യവസായ-വാണിജ്യ നയത്തിന് മന്ത്രിസഭയുടെ അംഗീകാരം. പ്രാദേശിക വിഭവങ്ങള് പ്രയോജനപ്പെടുത്തി ഗ്രാമീണ മേഖലയില് സൂക്ഷ്മ-ചെറുകിട-ഇടത്തരം സംരംഭങ്ങള് ആരംഭിച്ച് കൂടുതല് തൊഴില് അവസരങ്ങളുണ്ടാക്കും. പ്രവാസികളെയും സ്ത്രീകളെയും യുവാക്കളെയും വിമുക്ത ഭടന്മാരെയും വ്യവസായ സംരംഭം തുടങ്ങുന്നതിന് പ്രോത്സാഹിപ്പിക്കാനും നയത്തില് പ്രത്യേക പരിഗണന നല്കുന്നു.
സ്വകാര്യവ്യവസായ എസ്റ്റേറ്റുകള് പ്രോത്സാഹിപ്പിക്കും. മലബാര് മേഖലയില് പ്രകൃതിവാതകം ഉപയോഗിച്ചുളള വ്യവസായം തുടങ്ങുന്നതിന് അനുയോജ്യമായ ഭൂമി കണ്ടെത്തും. മാലിന്യസംസ്കരണ പ്ലാന്റ് സ്ഥാപിക്കുന്നതിന് പ്രത്യേക പരിഗണന നല്കും.നയത്തിന്റെ കരട് നേരത്തെ പ്രസിദ്ധീകരിച്ചിരുന്നു. ബന്ധപ്പെട്ട വിഭാഗങ്ങളുമായി നടത്തിയ ചര്ച്ചയില് ഉയര്ന്നുവന്ന നിര്ദേശങ്ങള് കൂടി പരിഗണിച്ചാണ് അന്തിമ നയത്തിന് രൂപം നല്കിയത്.
പ്രതികരിക്കാൻ ഇവിടെ എഴുതുക: