കൊച്ചി : പെരുമ്പാവൂരിൽ ബസും കാറും കൂട്ടിയിടിച്ച് അഞ്ചുപേര് മരിച്ചു. രണ്ടുപേര്ക്ക് പരിക്കേറ്റു. ഇടുക്കി ഏലപ്പാറ സ്വദേശികളായ ജിനീഷ് (22), വിജയന്, കിരണ് (21), ഉണ്ണി (20), ജെറിന് (22) എന്നിവരാണ് മരിച്ചത്. ഇന്ന് പുലര്ച്ചെ 12.45ഒാടെയാണ് അപകടം നടന്നത്. ആന്ധ്രയില് നിന്നുള്ള അയ്യപ്പ ഭക്തര് സഞ്ചരിച്ച ബസുമായി കാര് കൂട്ടിയിടിക്കുകയായിരുന്നു.
ഏഴു പേരാണ് കാറിലുണ്ടായിരുന്നത്. പരിക്കേറ്റ സുജിത്, ജിബിന് എന്നിവരെ ആശുപത്രിയില് പ്രവേശിപ്പിച്ചു. ജിബിനെ ഒമാനിലേക്ക് യാത്രയാക്കാന് പോകും വഴിയാണ് അപകടമുണ്ടായത്. മൃതദേഹം സാന്ജോ ആശുപത്രി, താലൂക്കാശുപത്രി എന്നിവിടങ്ങളില് സൂക്ഷിച്ചിരിക്കുന്നു.
പ്രതികരിക്കാൻ ഇവിടെ എഴുതുക: