ന്യൂദല്ഹി: സീറോ-മലബാര് സഭ ഭൂമിയിപാടുമായി ബന്ധപ്പെട്ട ഹര്ജി സുപ്രീം കോടതി തള്ളി. നിലവില് ഈ കേസില് സുപ്രീംകോടതി ഇടപെടേണ്ടതില്ലെന്നും കോടതി അറിയിച്ചു. ജസ്റ്റിസ് രോഹിന്ടണ് ഫാലി നരിമാന് അധ്യക്ഷനായ ബെഞ്ചാണ് ഹര്ജി പരിഗണിച്ചത്.
എഫ്ഐആര് റദ്ദാക്കിയ ഹൈക്കോടതി വിധി ചോദ്യം ചെയ്തുള്ള ഹര്ജിയാണ് തള്ളിയത്. പരാതികാര്ക്ക് വേണമെങ്കില് മജിസ്ട്രേറ്റ് കോടതിയെ സമീപിച്ച് ഈ വിഷയത്തില് കേസ് രജിസ്റ്റര് ചെയ്ത് അന്വേഷണത്തിന് ഉത്തരവിടണമെന്ന് ആവശ്യപ്പെടാം.
ഭൂമിയിടപാട് കേസില് എഫ്ഐആര് രജിസ്റ്റര് ചെയ്ത് അന്വേഷണം നടത്തണമെന്ന് ഹൈക്കോടതി സിംഗിള് ബെഞ്ച് ഉത്തരവിട്ടിരുന്നു. എന്നാല് ഇതിനെതിരെ ആലഞ്ചേരിയുള്പ്പടെയുള്ളവര് ഡിവിഷന് ബെഞ്ചില് നല്കിയ ഹര്ജിയില് സിംഗിള് ബെഞ്ച് ഉത്തരവ് റദ്ദാക്കിയിരുന്നു. ഇതിനെതിരെയാണ് മാര്ട്ടിന് പയ്യപ്പള്ളി, ഷൈന് വര്ഗീസ് എന്നിവര് സുപ്രീംകോടതിയെ സമീപിച്ചത്.
പ്രതികരിക്കാൻ ഇവിടെ എഴുതുക: