ബെംഗളൂരു: ഗൗരി ലങ്കേഷ് വധക്കേസില് ഒരാള് കൂടി അറസ്റ്റില്. കൊലയാളിക്കു തോക്കു കൈമാറിയെന്നു സംശയിക്കുന്ന മോഹന് നായിക്ക് എന്ന യുവാവിനെയാണ് ബുധനാഴ്ച രാത്രി പോലീസ് അറസ്റ്റ് ചെയ്തത്.
ദക്ഷിണ കന്നഡ-കുടക് അതിര്ത്തിയിലെ സുള്ളിയയ്ക്കു സമീപത്തുനിന്നാണ് ഇയാളെ പിടികൂടിയത്. കോടതിയില് ഹാജരാക്കിയ ഇയാളെ 14 ദിവസത്തേക്കു റിമാന്ഡ് ചെയ്തു. ഇതോടെ കേസില് അറസ്റ്റിലായവരുടെ എണ്ണം ഏഴായി.
കഴിഞ്ഞ വര്ഷം സെപ്റ്റംബര് അഞ്ചിനാണു രാജേശ്വരി നഗറിലെ സ്വവസതിക്കു മുന്നില് മാധ്യമപ്രവര്ത്തകയായ ഗൗരി ലങ്കേഷിനെ അക്രമികള് വെടിവച്ചു വീഴ്ത്തിയത്. കൊലയ്ക്കുപയോഗിച്ച തോക്ക് ഇതുവരെ കണ്ടെത്താന് കഴിഞ്ഞിട്ടില്ല.
പ്രതികരിക്കാൻ ഇവിടെ എഴുതുക: