കൊച്ചി: നടിയെ ആക്രമിച്ച കേസില് വിചാരണയ്ക്ക് പ്രത്യേക കോടതി അനുവദിക്കണമെന്ന് സര്ക്കാര് കോടതിയെ അറിയിച്ചു. വിചാരണയ്ക്ക് വനിതാ ജഡ്ജി അഭികാമ്യമാണെന്നും സര്ക്കാര് സമര്പ്പിച്ച സത്യവാങ്മൂലത്തില് പറയുന്നു. കേസിന്റെ പ്രത്യേക സാഹചര്യം കോടതി പരിഗണിക്കണം.
കേസിലെ പ്രതി ദിലീപ് വിചാരണ തടസപ്പെടുത്താന് ശ്രമിക്കുന്നു. അതിനാല് വിചാരണ വേഗത്തിലാക്കണമെന്നും സര്ക്കാര് കോടതിയെ അറിയിച്ചു. കേസുമായി ബന്ധപ്പെട്ട രേഖകള് ദിലീപിന് നല്കിയിട്ടും വീണ്ടും ആവശ്യങ്ങള് ഉന്നയിച്ച് വിചാരണ തടസപ്പെടുത്താനാണ് ശ്രമമെന്നും സര്ക്കാര് വ്യക്തമാക്കുന്നു.
നടിയുടെ ഹര്ജിയിലാണ് സത്യവാങ്മൂലം നല്കിയത്. വിചാരണയ്ക്ക് വനിതാ ജഡ്ജിയെ വേണമെന്ന നടിയുടെ ആവശ്യത്തില് എറണാകുളം പ്രിന്സിപ്പല് സെഷന്സ് കോടതിയാണ് സര്ക്കാരിനോട് നിലപാട് വ്യക്തമാക്കണമെന്ന് ആവശ്യപ്പെട്ടിരുന്നത്.
പ്രതികരിക്കാൻ ഇവിടെ എഴുതുക: