വാഷിങ്ടണ്: ഇറാന് ശക്തമായ താക്കീതുമായി യുഎസ് പ്രസിഡന്റ് ഡൊണാള്ഡ് ട്രംപ്. ഇനിയും അമേരിക്കയെ കുറ്റപ്പെടുത്തിയാല് പ്രത്യാഘാതം ഭീകരമായിരിക്കുമെന്നാണ് ട്വിറ്ററിലൂടെ ഇറാന് പ്രസിഡന്റ് ഹസന് റുഹാനിക്ക് താക്കീത് നല്കിയിരിക്കുന്നത്.
ഇനിയൊരിക്കല് കൂടി യുഎസിനെ കുറ്റപ്പെടുത്തിയാല് ചരിത്രത്തിലുടനീളം വളരെ കുറച്ചു മാത്രം ഉണ്ടായിട്ടുള്ളതരം പ്രത്യാഘാതങ്ങളിലൂടെ കടന്നുപോകേണ്ടിവരുമെന്നാണ് ട്വീറ്റ്. ഇറാനെ അസ്ഥിരപ്പെടുത്താനുള്ള നീക്കത്തിനു പിന്നില് അമേരിക്കയാണെന്ന റുഹാനിയുടെ പ്രസ്താവനയാണ് ട്രംപിനെ ചൊടിപ്പിച്ചത്. മരണത്തെയും കലാപത്തെയും കുറിച്ച് നിങ്ങള് പുലമ്പുന്ന വാക്കുകള് കേട്ടിരിക്കുന്ന രാജ്യമായിരിക്കില്ല ഇനി ഞങ്ങള്, അതുകൊണ്ട് കരുതിയിരിക്കാനും ട്രംപ് കുറിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: