ലക്നൗ: ഉത്തര്പ്രദേശില് കനത്ത കാറ്റിലും മഴയിലും 30 പേര് മരിച്ചു. 12 പേര്ക്ക് പരിക്കേറ്റു. സംസ്ഥാനത്തിന്റെ പടിഞ്ഞാറന് മേഖലയില് ശക്തമായ മഴയാണ് പെയ്യുന്നത്. ചിലയിടങ്ങളില് വൈദ്യുതി, ഗതാഗത സംവിധാനങ്ങള് തകരാറിലായി.
നിരവധി വീടുകള് തകര്ന്നതായും റിപ്പോര്ട്ടുകളുണ്ട്. ദുരിതമേഖലകളില് എത്രയും വേഗം സഹായമെത്തിക്കണമെന്ന് ജില്ലാ കളക്ടര്മാരോട് മുഖ്യമന്ത്രി യോഗി ആദിത്യനാഥ് നിര്ദേശിച്ചു.
അതേസമയം കഴിഞ്ഞ ദിവസവും ശക്തമായ മഴയെ തുടര്ന്നു ഉത്തര്പ്രദേശില് നാല് കുട്ടികള് ഉള്പ്പെടെ ഒന്പത് പേര് മരിച്ചിരുന്നു. കെട്ടിടങ്ങള് ഇടിഞ്ഞു വീണും വൈദ്യുതാഘാതമേറ്റുമാണ് കൂടുതല് ആളുകളും മരിച്ചത്.
പ്രതികരിക്കാൻ ഇവിടെ എഴുതുക: