ലക്നൗ: ഉത്തർപ്രദേശിൽ അറുപതിനായിരം കോടി രൂപയുടെ പദ്ധതികൾക്ക് തുടക്കം കുറിച്ച് പ്രധാനമന്ത്രി നരേന്ദ്രമോദി. ഈ വർഷം സംഘടിക്കപ്പെട്ട ഉത്തർപ്രദേശ് ഇന്വെസ്റ്റേഴ്സ് മീറ്റിലാണ് പ്രധാനമന്ത്രി ബൃഹത് പദ്ധതികൾക്ക് തുടക്കമിട്ടത്.
മീറ്റില് ഒപ്പുവച്ച 1,045 ധാരാണാപത്രങ്ങളില് 80 എണ്ണമാണ് ഇപ്പോള് നടപ്പാക്കുന്നത്. 2.1 ലക്ഷം തൊഴില് അവസരങ്ങളാണ് പദ്ധതികളിലൂടെ സൃഷ്ടിക്കുന്നത്. പതഞ്ജലി ഗ്രൂപ്പ്, ടാറ്റ കണ്സള്ട്ടന്സി സര്വീസസ്, ഇന്ഫോസിസ് തുടങ്ങിയ കമ്പനികളും സംസ്ഥാനത്ത് നിക്ഷേപം നടത്തുന്നുണ്ട്.
ഭാവിതലമുറയുടെ കുതിപ്പിനായി ഒരു പദ്ധതി തയാറാക്കുയാണ് സര്ക്കാരിന്റെ ലക്ഷ്യമെന്നും മോദി പറഞ്ഞു. വരാൻ പോകുന്ന തലമുറയ്ക്കായി വിദ്യാഭ്യാസം, തൊഴിൽ, സാമ്പത്തികം, വിനോദം തുടങ്ങി എല്ലാ മേഖലകളിലും വ്യത്യസ്തങ്ങളായ പദ്ധതികൾ കൊണ്ടു വരാൻ സർക്കാർ ശ്രമിക്കുകയാണെന്ന് അദ്ദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക: