തളിപ്പറമ്പ്: യൂണിഫോമിന്റെ അളവെടുക്കാന് കടയില് വിളിച്ചുവരുത്തി പെണ്കുട്ടിയെ പീഡിപ്പിക്കാന് ശ്രമിച്ച യുവാവിനെ പോലീസ് അറസ്റ്റ്ചെയ്തു. തിമിരി ചെറുപാറ സ്വദേശി വാഴവളപ്പില് അബ്ദുള് ലത്തീഫ് (44) ആണ് പിടിയിലായത്.
തളിപ്പറമ്പ് ഒരു സ്കൂളിലെ എട്ടാംക്ലാസ് വിദ്യാര്ത്ഥിനിയായ പെണ്കുട്ടി സ്കൗട്ട് & ഗൈഡ്സ് യൂണിഫോം തയ്പ്പിക്കാന് അബ്ദുള്ലത്തീഫിന്റെ ഫോര്സ്റ്റാര് തയ്യല്ക്കടയില് ഏല്പ്പിച്ചിരുന്നു. എന്നാല് അളവെടുത്തത് ശരിയായില്ലെന്നും ഒന്നുകൂടി എടുക്കണമെന്നും പറഞ്ഞതിനാല് ഉമ്മയ്ക്കൊപ്പം തയ്യല്ക്കടയില് എത്തിയതായിരുന്നു കുട്ടി.
തുടര്ന്ന് അളവെടുക്കുന്നതിനിടയില് അപമര്യാദയായി പെരുമാറിയതിനെതുടര്ന്ന് കുട്ടി അസ്വസ്ഥയാവുകയായിരുന്നു. പെണ്കുട്ടി അസ്വസ്ഥയായി ടാപ്പ് തട്ടിപ്പറിക്കുകയും ഇത് ശ്രദ്ധയില്പെട്ട മാതാവ് ഇയാളെ തല്ലുകയും ചെയ്തു. ഇതോടെ പരിസരത്തുള്ളവരും സ്ഥലത്ത് തടിച്ചുകൂടി. സംഭവമറിഞ്ഞെത്തിയ തളിപ്പറമ്പ് സിഐ കെ.ജെ.വിനോയിയുടെ നേതൃത്വത്തിലുള്ള പോലീസാണ് ഇയാളെ അറസ്റ്റുചെയ്തത്.
പ്രതികരിക്കാൻ ഇവിടെ എഴുതുക: