വാഷിംഗ്ടണ്: ഇറാന് പ്രസിഡന്റ് ഹസന് റൂഹാനിയുമായി കൂടിക്കാഴ്ച നടത്താന് തയാറാണെന്ന് യുഎസ് പ്രസിഡന്റ് ഡോണള്ഡ് ട്രംപ്. ഇറ്റാലിയന് പ്രധാനമന്ത്രി ഗിസപ്പെ കോണ്ടിയുമായി നടത്തിയ സംയുക്ത വാര്ത്ത സമ്മേളനത്തിലാണ് ട്രംപ് ഇക്കാര്യം അറിയിച്ചത്.
പ്രത്യേകിച്ച് അജണ്ടകള് ഒന്നുമില്ലാതെ സൗഹൃദ സംഭാഷണത്തിന് തയറാണ്. അവര് ആവശ്യപ്പെട്ടാല് എപ്പോള് വേണമെങ്കിലും നടത്താം. എന്നാല് ഇറാന് അതിന് തയാറാണോയെന്ന് അറിയില്ലെന്നും റൂഹാനിയുമായി കൂടിക്കാഴ്ചയ്ക്ക് തയാറാണോയെന്ന കോണ്ടിയുടെ ചോദ്യത്തിന് മറുപടിയായി ട്രംപ് പറഞ്ഞു.
ഇറാനുമായി ആണവക്കരാര് പിന്മാറ്റത്തിന്റെ പേരിലുള്ള പോര് മുറുകുന്നതിനിടെയാണ് ട്രംപ് ഇക്കാര്യം പറഞ്ഞത്. ഉത്തരകൊറിയന് ഏകാധിപതി കിം ജോംഗ് ഉന്, റഷ്യന് പ്രസിഡന്റ് വ്ളാഡിമിര് പുടിന്, നാറ്റോ നേതാക്കള് എന്നിവരുമായി നടത്തിയ കൂടിക്കാഴ്ച ഫലപ്രദമായിരുന്നുവെന്നും ട്രംപ് ചൂണ്ടിക്കാട്ടി. മികച്ച ഫലം സൃഷ്ടിക്കാനായാല് ഇറാനുമായി കൂടിക്കാഴ്ച നടത്താന് ആഗ്രഹിക്കുന്നതായും ട്രംപ് പറഞ്ഞു.
പ്രതികരിക്കാൻ ഇവിടെ എഴുതുക: