കോക്ക്പിറ്റില്‍ അതിക്രമിച്ചു കയറാന്‍ ശ്രമിച്ച യാത്രക്കാരന്‍ അറസ്റ്റില്‍

Saturday 4 August 2018 2:03 pm IST

ന്യൂദല്‍ഹി:  എയര്‍ ഇന്ത്യ വിമാനത്തിന്റെ കോക്ക്പിറ്റില്‍ അതിക്രമിച്ചു കയറാന്‍ ശ്രമിച്ച യാത്രക്കാരന്‍ അറസ്റ്റില്‍. ഇറ്റലിയിലെ മിലാനില്‍ നിന്ന് ദല്‍ഹിയിലേക്ക് പുറപ്പെട്ട വിമാനത്തിന്റെ കോക്ക്പിറ്റിലാണ് യാത്രക്കാരിലൊരാള്‍ അതിക്രമിച്ചു കയറിയത്. തുടര്‍ന്ന് ഒരുമണിക്കൂറിനുള്ളില്‍ വിമാനം മിലാനിലേക്ക് തന്നെ തിരിച്ചിറക്കുകയായിരുന്നു.

ഇന്ത്യന്‍ പൗരനായ ഗുര്‍പ്രീത് സിങ് എന്നയാളാണ് കോക്പിറ്റില്‍ പ്രവേശിക്കാന്‍ ശ്രമിച്ചത്. ഇയാളെ ഉടന്‍ ഇറ്റാലിയന്‍ പോലീസിന് കൈമാറി. 250ഓളം യാത്രക്കാരാണ് വിമാനത്തില്‍ ഉണ്ടായിരുന്നത്. മിലാന്‍ വിമാനത്താവളത്തില്‍ തിരിച്ചിറക്കിയ വിമാനം വിശദമായ പരിശോധനകള്‍ക്കുശേഷം ദല്‍ഹിയ്ക്ക് പറന്നു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.