തിരുവനന്തപുരം: തിരുവനന്തപുരത്ത് പോലീസിന്റെ വയര്ലസ് സന്ദേശങ്ങള് ചോര്ന്നു. രാഷ്ട്രപതിയുടെ സന്ദര്ശനത്തിനിടെയാണ് വീഴ്ച കണ്ടെത്തിയത്. സ്വകാര്യ സ്ഥാപനത്തിന്റെ വയര്ലെസ് സെറ്റില് പോലീസിന്റെ സന്ദേശം എത്തുകയായിരുന്നു. ഇതേത്തുടര്ന്ന് കരമനയിലെ ഓഫ്റോഡ് സ്ഥാപനത്തില് പോലീസ് പരിശോധന നടത്തി.
തായ്ലന്ഡില് നിന്നാണ് വയര്ലെസ് സെറ്റുകള് എത്തിച്ചതെന്ന് കണ്ടെത്തിയിട്ടുണ്ട്. വന് സുരക്ഷാ വീഴ്ചയായാണ് സംഭവത്തെ കാണുന്നത്. സിറ്റി പോലീസിന്റെയും കേന്ദ്ര സുരക്ഷാ സംഘത്തിന്റെയും നേതൃത്വത്തിലാണ് അന്വേഷണം നടത്തുന്നത്. മൂന്നു ദിവസത്തെ സന്ദര്ശനത്തിനായാണ് രാഷ്ട്രപതി കേരളത്തില് എത്തിയിരിക്കുന്നത്.
ഇന്ന് രാവിലെ രാഷ്ട്രപതിക്ക് വധഭീഷണി ഉയര്ത്തിയ ആളെ തൃശൂരില് പോലീസ് അറസ്റ്റ് ചെയ്തിരുന്നു.
പ്രതികരിക്കാൻ ഇവിടെ എഴുതുക: