KSRTC ചര്‍ച്ച പരാജയം; ഇന്ന് അര്‍ദ്ധരാത്രി മുതല്‍ പണിമുടക്ക്

Monday 6 August 2018 2:39 pm IST
വാടകവണ്ടി നീക്കം ഉപേക്ഷിക്കുക, നിയമവിരുദ്ധ ഡ്യൂട്ടി പരിഷ്കരണം പിന്‍‌വലിക്കുക, ശമ്പള പരിഷ്കരണ ചര്‍ച്ചകള്‍ നടത്തുക എന്നീ ആവശ്യങ്ങള്‍ ഉന്നയിച്ചാണ് പണിമുടക്ക്.

തിരുവനന്തപുരം: കെ‌എസ്‌ആര്‍‌ടിസിയിലെ യൂണിയനുകള്‍ എം‌ഡിയുമായി നടത്തിയ ചര്‍ച്ച പരാജയപ്പെട്ടു. സമരവുമായി മുന്നോട്ട് പോകാനാണ് യൂണിയനുകളുടെ തീരുമാനം. ഇന്ന് അര്‍ദ്ധരാത്രി മുതല്‍ 24 മണിക്കൂര്‍ നേരത്തേയ്ക്കാണ് പണിമുടക്ക്. 

വാടകവണ്ടി നീക്കം ഉപേക്ഷിക്കുക, നിയമവിരുദ്ധ ഡ്യൂട്ടി പരിഷ്കരണം പിന്‍‌വലിക്കുക, ശമ്പള പരിഷ്കരണ ചര്‍ച്ചകള്‍ നടത്തുക എന്നീ ആവശ്യങ്ങള്‍ ഉന്നയിച്ചാണ് പണിമുടക്ക്. കെ‌എസ്‌ആര്‍‌ടി‌സി എം‌ഡി ടോമിന്‍ തച്ചങ്കരിയുടെ പരിഷ്കാരങ്ങള്‍ക്ക് സര്‍ക്കാര്‍ പൂര്‍ണ പിന്തുണ നല്‍കിയിരുന്നു. ഇതാണ് തൊഴിലാളികള്‍ പണിമുടക്ക് പ്രഖ്യാപിക്കാന്‍ കാരണം. 

തച്ചങ്കരി നടപ്പാക്കുന്നത് സര്‍ക്കാരിന്റെ നയങ്ങളാണെന്നാണ് ഗതാഗത മന്ത്രിയും അറിയിച്ചിരുന്നത്. 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.