ഡെര്ബി, ഇംഗ്ലണ്ട്: ഇന്ത്യയുടെ സ്മൃതി മന്ദാന വനിതാ സൂപ്പര് ലീഗില് ഒരു സീസണില് ഏറ്റവും കൂടുതല് റണ്സ് നേടുന്ന താരമായി. ഇംഗ്ലണ്ട് പ്രീമിയര് പ്രാദേശീക ട്വന്റി 20 യില് വെസ്റ്റേണ് സ്റ്റോം ടീമംഗമായ മന്ദാന യോര്ക്ക്ഷയര് ഡയമണ്ട് ടീമിനെതിരായ മത്സരത്തില് 56 റണ്സ് നേടിയാണ് റെക്കോഡിട്ടത്.
2016 ല് സ്റ്റെഫാനി ടെയ്ലര് സ്ഥാപിച്ച 289 റണ്സിന്റെ റെക്കോഡാണ് തകര്ന്നത്. ഈ സീസണില് ആറു മത്സരങ്ങള് കളിച്ച മന്ദനയ്ക്ക് ഇപ്പോള് 338 റണ്സായി. ആറു മത്സരങ്ങളില് മന്ദാനയുടെ സ്കോര് ഇങ്ങനെ: 48, 73, 52, 43, 102, 56. ഇരുപത്തിരണ്ടുകാരിയായ മന്ദാന ഐസിസി ഏകദിന റാങ്കിങ്ങില് നാലാം സ്ഥാനത്താണ്. ട്വിന്റി 20 യില് പതിമൂന്നാം റാങ്കുമുണ്ട്.
പ്രതികരിക്കാൻ ഇവിടെ എഴുതുക: