തിരുവനന്തപുരം: ഓണം, ബക്രീദ് ഉത്സവകാലത്ത് എണ്ണായിരത്തോളം പ്രത്യേക ചന്തകള് തുടങ്ങാന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന യോഗത്തില് തീരുമാനിച്ചു.
സപ്ലൈകോയുടെ 1662 സ്റ്റാളുകളും കണ്സ്യൂമര്ഫെഡിന്റെ 3500 സ്റ്റാളുകളും പ്രവര്ത്തിക്കും. കൃഷിവകുപ്പ് 2000 ചന്തകളാണ് 959 മാവേലി സ്റ്റോറുകള്, 416 സൂപ്പര് മാര്ക്കറ്റുകള്, 28 പീപ്പിള് ബസാറുകള്, അഞ്ച് ഹൈപ്പര് മാര്ക്കറ്റുകള് എന്നിവയിലൂടെ സബ്സിഡി നിരക്കിലുള്ള 13 ഇനം നിത്യോപയോഗ സാധനങ്ങള്, ഫ്രീ സെയില് നിരക്കിലുള്ള ഉല്പ്പന്നങ്ങള് തുടങ്ങിയ വില്ക്കും.
ഒരു നിയോജക മണ്ഡലത്തില് ചുരുങ്ങിയത് ഒരു ഓണം ഫെയര് എന്ന കണക്കില് 78 ഓണം, ബക്രീദ് മാര്ക്കറ്റുകള് പ്രവര്ത്തിക്കും.
ഇടുക്കി ഒഴികെയുള്ള സ്ഥലങ്ങളിലെ പ്രാദേശിക കര്ഷകരില് നിന്ന് 39,000 മെട്രിക്ടണ് പച്ചക്കറി ലഭ്യമാക്കും. വട്ടവട കാന്തല്ലൂര് പഞ്ചായത്തുകളില്നിന്നു മാത്രമായി 5,000 മെട്രിക് ടണ് പച്ചക്കറി സംഭരിക്കും.
എഎവൈ വിഭാഗത്തില്പ്പെട്ട 5.95 ലക്ഷം കുടുംബങ്ങള്ക്ക് സൗജന്യ ഓണക്കിറ്റ് വിതരണം ചെയ്യും. എല്ലാ റേഷന് കാര്ഡ് ഉടമകള്ക്കും ഒരു കിലോ പഞ്ചസാര 22 രൂപ നിരക്കില് നല്കും. സ്കൂള് കുട്ടികള്ക്ക് അഞ്ച് കിലോ വീതം അരിയും ഓണത്തോട് അനുബന്ധിച്ച് ആദിവാസിവിഭാഗങ്ങള്ക്ക് പ്രത്യേക ഓണക്കിറ്റും വിതരണം ചെയ്യും. മന്ത്രിമാരായ പി.തിലോത്തമന്, കടകംപള്ളി സുരേന്ദ്രന്, വി.എസ്. സുനില്കുമാര്, കെ.ടി. ജലീല് എന്നിവര് യോഗത്തില് പങ്കെടുക്കും.
പ്രതികരിക്കാൻ ഇവിടെ എഴുതുക: