ഇടുക്കി: ശക്തമായ മഴക്ക് പിന്നാലെ ജലനിരപ്പ് ക്രമാധീതമായി ഉയരുന്നതിനാല് ഇടുക്കി സംഭരണിയില് ട്രയല് റണ് നടത്താന് തിരുവനന്തപുരത്ത് ചേര്ന്ന ഉന്നതതല യോഗത്തില് തീരുമാനമായി. 12 മണിക്ക് അണക്കെട്ടിലെ ഒരു ഷട്ടര് തുറന്ന് ട്രയല് റണ് നടത്തുമെന്ന് വൈദ്യുതി മന്ത്രി എം.എം മണി യോഗ ശേഷം അറിയിച്ചു.
പ്രദേശത്തെ ജനങ്ങള്ക്ക് മുന്നറിയിപ്പ് നല്കാന് കെഎസ്ഇബി ജില്ലാ കളക്ടര്ക്ക് നിര്ദേശം നല്കി. രാവിലെ 10 മണിയോടെ ജലനിരപ്പ് 2398.80 അടിയിലെത്തിയിരുന്നു. ഒരു ഷട്ടര് 40 സെ.മീ ഉയരത്തില് കുറച്ച് നേരത്തേക്ക് തുറക്കാനാണ് തീരുമാനം. ആറര മണിക്കൂറിനുള്ളില് ഈ വെള്ളം ആലുവയിലെത്തും.
ചെറുതോണി ഡാമിന്റെ താഴെയുള്ളവരും ചെറുതോണി, പെരിയാര് നദികളുടെ 100 മീറ്റര് പരിധിയിലുള്ളവര് സുരക്ഷിത സ്ഥാനത്തേക്ക് മാറണമെന്ന് ജില്ലാ കളക്ടര് കെ.ജീവന്ബാബു അറിയിച്ചു. ഇത് ഒരു ട്രയല് റണ് ആണ് യാതൊരു പരിഭ്രാന്തിയുടെയും ആവിശ്യമില്ലെന്നും അദ്ദേഹം പറഞ്ഞു. പുഴയില് ഇറങ്ങുറുന്നതിനും, കുളിക്കുന്നതിനും, മത്സ്യം പിടിക്കുന്നതിനും, സെല്ഫി എടുക്കുന്നതിനും കര്ശന നിരോധനം ഏര്പ്പെടുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: