തിരുവനന്തപുരം: പ്രളയബാധിത പ്രദേശങ്ങള് സന്ദര്ശിക്കാനായി മുഖ്യമന്ത്രി പിണറായി വിജയന്റെ നേതൃത്വത്തിലുള്ള സംഘം പുറപ്പെട്ടു. പ്രതിപക്ഷ നേതാവ്, റവന്യൂ മന്ത്രി, ചീഫ് സെക്രട്ടറി, ഡിജിപി എന്നിവരാണ് സംഘത്തിലുള്ളത്.
തിരുവനന്തപുരത്ത് നിന്ന് ഹെലികോപ്റ്റര് മാര്ഗം പുറപ്പെട്ട സംഘം എട്ടരയോടെ കട്ടപ്പനയിലെത്തി. കാലാവസ്ഥ മോശമായതിനാല് ഇവിടെ ഹെലികോപ്റ്റര് ഇറക്കാനായില്ല. തുടര്ന്ന് സംഘം വയനാട്ടിലേക്ക് പോയി. സുല്ത്താന് ബത്തേരിയിലിറങ്ങുന്ന മുഖ്യമന്ത്രി ജില്ലയിലെ ദുരിതബാധിത പ്രദേശങ്ങള് സന്ദര്ശിക്കും. കോഴിക്കോടും മലപ്പുറം ജില്ലകളിലെ സ്ഥിതി ഹെലികോപ്റ്ററില് നിന്നായിരിക്കും വിലയിരുത്തുക. ഉച്ചയോടെ എറണാകുളത്തെത്തുന്ന മുഖ്യമന്ത്രി ആലുവ സന്ദര്ശിക്കും. ഉദ്യോഗസ്ഥരുമായി കൂടിക്കാഴ്ച നടത്തും.
പെരുമ്പാവൂരിലും കാലടിയിലും പെരിയാര് തീരത്തുളളവരെ പൂര്ണ്ണമായും ഒഴിപ്പിച്ചു. സൈന്യവും ദുരന്ത നിവാരണസേനയും സ്ഥലത്ത് തമ്പടിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: