കൊല്ക്കത്ത: മുന് ലോക്സഭാ സ്പീക്കറും സിപിഎം നേതാവുമായ സോമനാഥ് ചാറ്റര്ജിയുടെ ആരോഗ്യനില മോശമായതിനെത്തുടര്ന്ന് കൊല്ക്കത്തയിലെ സ്വകാര്യ ആശുപത്രിയില് പ്രവേശിപ്പിച്ചു.
ശ്വാസതടസം വര്ദ്ധിച്ചതിനെത്തുടര്ന്നാണ് അദ്ദേഹത്തെ ആശുപത്രിയിലെത്തിച്ചത്. എന്നാല് പിന്നീട് ആരോഗ്യസ്ഥിതി കൂടുതല് ഗുരുതരമാവുകയായിരുന്നു.തുടര്ന്ന് വെന്റിലേറ്ററിലേക്ക് മാറ്റിയ അദ്ദേഹത്തിന് ഡയാലിസിസ് നടത്തിയതായി ആശുപത്രി വൃത്തങ്ങള് അറിയിച്ചു.
കഴിഞ്ഞമാസം അവസാനത്തോടെ മസ്തിഷ്കാഘാതത്തെത്തുടര്ന്ന് ചാറ്റര്ജി ആശുപത്രിയില് ചികിത്സയിലായിരുന്നു. ആരോഗ്യനില മെച്ചപ്പെട്ടതിനെത്തുടര്ന്ന് കുറച്ച് ദിവസം മുമ്പാണ് അദ്ദേഹത്തെ വീട്ടിലെത്തിച്ചത്.
പ്രതികരിക്കാൻ ഇവിടെ എഴുതുക: