ന്യൂദല്ഹി: സ്വാതന്ത്ര്യദിനം പ്രമാണിച്ച് രാജ്യ തലസ്ഥാനത്ത് ഇന്ന് മുതല് ഗതാഗത നിയന്ത്രണം ഏര്പ്പെടുത്തും. ചെങ്കോട്ടയില് സ്വാതന്ത്ര്യദിന ചടങ്ങുകളുടെ റിഹേഴ്സല് ഇന്ന് നടക്കും.
ആറു പ്രധാന റോഡുകളിലാണ് ഗതാഗതം നിരോധിക്കുന്നത്. മറ്റ് റോഡുകളില് വാഹനങ്ങള്ക്ക് നിയന്ത്രണം ഏര്പ്പെടുത്തുകയും ചെയ്യുമെന്ന് പോലീസ് പറഞ്ഞു. മെട്രോ സ്റ്റേഷനുകളില് പാര്ക്കിംഗ് സൗകര്യം അനുവദിക്കില്ലെന്നും ഡിഎംആര്സിയും വ്യക്തമാക്കിയിട്ടുണ്ട്. ചൊവ്വാഴ്ച രാവിലെ ആറ് മുതല് ബുധന് ഉച്ചക്ക് രണ്ടു വരെയാണ് നിയന്ത്രണം.
സ്വാതന്ത്ര്യദിനത്തിന് പ്രധാനമന്ത്രി നരേന്ദ്ര മോദി പ്രസംഗിക്കുന്ന ചെങ്കോട്ടക്കും പരിസരത്തും കനത്ത കാവലാണ് ഒരുക്കിയിരിക്കുന്നത്.
പ്രതികരിക്കാൻ ഇവിടെ എഴുതുക: