പയ്യന്നൂര്: കേന്ദ്രസര്ക്കാരിന്റെ സാംസ്കാരിക മന്ത്രാലയത്തിന്റെ സഹായത്തോടെ ചെറുതാഴം ഹനുമാരമ്പലത്തിലെ രാമായണ മണ്ഡപത്തില് വാദ്യസംഗീത സമന്വയം നടക്കും. ചെറുതാഴം കരയടം ചന്ദ്രന് മാരാറാണ് സംഗീതസമന്വയം പരിപാടി അരങ്ങിലെത്തിക്കുന്നത്. ഇന്ന് വൈകീട്ട് 6.30ന് ആരംഭിക്കുന്ന പരിപാടി ചെറുതാഴം ചന്ദ്രന്റെ അധ്യക്ഷതയില് ക്ഷേത്രകലാ അക്കാദമി ചെയര്മാന് കെ.എച്ച്.സുബ്രഹ്മണ്യന് ഉദ്ഘാടനം ചെയ്യും. വി.വി.പ്രീത, വസന്ത, എ.ഡി.നമ്പ്യാര്, മോഹനവര്മ്മ, കെ.വി.ഗോകുലാനന്ദന്, ലതീഷ് പുതിയടത്ത് തുടങ്ങിയവര് സംസാരിക്കും. പരമ്പരാഗത സംഗീത ഉപകരണങ്ങളും ക്ഷേത്ര വാദ്യ ഉപകരണങ്ങളുമായ ശംഖ്, ഇടക്ക, ചെണ്ട, മദ്ദളം, മൃദംഗം, തബല, വയലിന്, ഓടക്കുഴല്, ഇലത്താളം തുടങ്ങിയവയ്ക്കൊപ്പം സോപാന സംഗീതവും ഒത്തുചേരും.
പ്രതികരിക്കാൻ ഇവിടെ എഴുതുക: