ഇന്ത്യൻ സേനയുടെ പ്രത്യാക്രമണത്തില്‍ രണ്ട് പാക് സൈനികർ കൊല്ലപ്പെട്ടു

Tuesday 14 August 2018 12:12 pm IST

ശ്രീനഗര്‍: അതിര്‍ത്തിയില്‍ ഇന്ത്യന്‍ സേന നടത്തിയ പ്രത്യാക്രമണത്തില്‍ രണ്ട് പാകിസ്ഥാന്‍ സൈനികര്‍ കൊല്ലപ്പെട്ടു. ജമ്മു കാശ്‌മീരിലെ കുപ്‌വാരയില്‍ ഇന്ത്യന്‍ സൈനിക പോസ്‌റ്റുകള്‍ക്ക് നേരെ പാക് സൈന്യം നടത്തിയ ആക്രണത്തിന് തിരിച്ചടി നല്‍കുകയായിരുന്നു സൈന്യം.

കഴിഞ്ഞ ദിവസം അതിര്‍ത്തിയില്‍ നിഴഞ്ഞു കയറാന്‍ ശ്രമിച്ച തീവ്രവാദികളുടെ ആക്രമണത്തില്‍ ഇന്ത്യന്‍ സൈനികന് ജീവന്‍ നഷ്‌ടമായിരുന്നു. തുടര്‍ന്ന് ശ്രീനഗറില്‍ നിന്ന് 95 കി.മീ മാറി ടംഗ്‌ദര്‍ വഴി നുഴഞ്ഞുകയറ്റത്തിന് ശ്രമിക്കുന്നവര്‍ക്കെതിരെ ശക്തമായ ആക്രമണമാണ് ഇന്ത്യന്‍ സേന നടത്തിയത്.

കഴിഞ്ഞ കുറച്ചു ദിവസങ്ങളായി ടംഗ്‌ദര്‍ മേഖലയില്‍ പാക് സൈന്യം വെടി നിറുത്തല്‍ കരാര്‍ ലംഘനങ്ങളും നിഴഞ്ഞു കയറ്റ ശ്രമങ്ങളും പതിവാക്കുകയാണെന്ന് സൈനിക വക്താവ് അറിയിച്ചു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.