കൊല്ലം: ജന്മഭൂമി കൊല്ലത്തിന്റെ മണ്ണിലേക്കും. ജന്മഭൂമിയുടെ എട്ടാമത് എഡിഷനാണ് ഈ മാസം അവസാനത്തോടെ കൊല്ലത്ത് തുടങ്ങുക. ഇതിന്റെ ഭാഗമായി ചിങ്ങപ്പുലരിയില് പുതിയ ഓഫീസില് തിരിതെളിയും. 17ന് രാവിലെ ഗണപതിഹോമത്തോടെ പുതിയ കാര്യാലയ പ്രവേശന ചടങ്ങുകള് ആരംഭിക്കും.
രാവിലെ 11ന് മാതാ അമൃതാനന്ദമയീ മഠത്തിലെ സ്വാമി തുരീയാമൃതാനന്ദപുരി ഓഫീസ് ഉദ്ഘാടനം ചെയ്യും. ബ്രഹ്മചാരി വേദാമൃതചൈതന്യ, ശബരിമല മുന് മേല്ശാന്തി ഇടമന ഇല്ലത്ത് എന്. ബാലമുരളി, ആര്എസ്എസ് കൊല്ലം വിഭാഗ് സംഘചാലക് ഡോ.ബി.എസ്. പ്രദീപ്കുമാര്, കാര്യവാഹ് വി.പ്രതാപന്, ഹിന്ദുഐക്യവേദി സംസ്ഥാനസെക്രട്ടറി തെക്കടം സുദര്ശനന്, ബിജെപി ജില്ലാപ്രസിഡന്റ് ജി.ഗോപിനാഥ്, ബിഎംഎസ് ജില്ലാ പ്രസിഡന്റ് പി.കെ. മുരളീധരന്, തപസ്യ ജില്ലാ പ്രസിഡന്റ് മയ്യനാട് രാജീവന് നമ്പൂതിരി, ജന്മഭൂമി ഡയറക്ടര് പി.ജയചന്ദ്രന്, റസിഡന്റ് എഡിറ്റര് കെ.കുഞ്ഞിക്കണ്ണന്, തിരുവനന്തപുരം യൂണിറ്റ് മാനേജര് പി. രാജശേഖരന്, ന്യൂസ് എഡിറ്റര് പി. ശ്രീകുമാര് എന്നിവര് സംബന്ധിക്കും. കൊല്ലം ശങ്കേഴ്സ് ആശുപത്രിക്ക് സമീപം ആരാധനാനഗറിലാണ് ജന്മഭൂമി എഡിഷന് ഓഫീസ് പ്രവര്ത്തനം തുടങ്ങുന്നത്.
പ്രതികരിക്കാൻ ഇവിടെ എഴുതുക: