കൊച്ചി: സൈനിക സംവിധാനം വെള്ളപ്പൊക്ക രക്ഷാ പ്രവര്ത്തനങ്ങള്ക്കായി സംസ്ഥാനത്ത് വന്തോതില് പ്രവര്ത്തിക്കുന്നുണ്ട്. എന്നാല് ഇവര്ക്ക് സ്വയം തീരുമാനമെടുത്ത് പ്രവര്ത്തിക്കാനുള്ള സ്വാതന്ത്ര്യവും അവസരവുമില്ലാത്തതാണ് മുഖ്യ പ്രശ്നം.
സംസ്ഥാനത്ത് ദേശീയ ദുരന്ത നിയന്ത്രണ സേനയുടെ 57 സംഘം പ്രവര്ത്തന സജ്ജമായുണ്ട്. ഇതില് 1300 പേരാണുള്ളത്. 435 ബോട്ടുകളും ഇവര് സജ്ജമാക്കിയിട്ടുണ്ട്.
സൈന്യം പത്ത് കോളത്തെ വിന്യസിച്ചിട്ടുണ്ട്. എഞ്ചിനീയറിങ് ടാസ്ക് ഫോഴ്സിന്റെ 10 ടീമിലായി 790 പരിശീലനം നേടിയ സൈനികര് രക്ഷാ പ്രവര്ത്തനത്തിലുണ്ട്. നാവിക സേനയുടെ 82 ടീമുകളിലായി ആയിരത്തോളം പേരുണ്ട്. കോസ്റ്റ് ഗാര്ഡിന്റെ 42 ടീമുകളും രണ്ട് ഹെലി കോപ്റ്ററുകളും രണ്ട് ചെറുകപ്പലുകളും രക്ഷാ പ്രവര്ത്തനത്തിലുണ്ട്.
മൂന്ന് സൈനിക സംവിധാനത്തിലും തീരദേശ സംരക്ഷണ സേനയിലും നിന്നായി വലിയ സംവിധാനമാണ് പ്രവര്ത്തനത്തിലുള്ളത്. 38 ഹെലികോപ്റ്റര് ഉള്പ്പെടെ നാവിക സേനയുടെ 58 വാഹന സംവിധാനങ്ങള് സംസ്ഥാനത്ത് പല സ്ഥലങ്ങളിലായി പ്രവര്ത്തിക്കുന്നു.
പ്രതികരിക്കാൻ ഇവിടെ എഴുതുക: