ശ്രീനഗര്: ജമ്മു കശ്മീരിലെ അനന്ദ്നാഗില് സുരക്ഷാസേനയും ഭീകരരും തമ്മില് ഏറ്റുമുട്ടല്. വെള്ളിയാഴ്ച പുലര്ച്ചെയാണ് ഏറ്റുമുട്ടല് ആരംഭിച്ചത്. ഒരു ഭീകരനെ സുരക്ഷാസേന വധിച്ചു.
പ്രദേശത്ത് ഭീകരരുടെ സാന്നിധ്യത്തെ കുറിച്ച് സുരക്ഷാസേനയ്ക്കു സൂചന ലഭിച്ചിരുന്നു. ഇതേ തുടര്ന്നു സേന തെരച്ചില് ആരംഭിക്കുകയായിരുന്നു. ഈ സമയം ഭീകരര് സുരക്ഷാസേനയ്ക്കു നേരെ വെടിയുതിര്ത്തു. തുടര്ന്നു സേന തിരിച്ചടിക്കുകയായിരുന്നു.
മൂന്ന് ഭീകരര് പ്രദേശത്ത് ഒളിച്ചിരിക്കുന്നതായാണ് വിവരം. സുരക്ഷയുടെ ഭാഗമായി അനന്ദ്നാഗില് ഇന്റര്നെറ്റ് സേവനങ്ങള്ക്കും അധികൃതര് വിലക്ക് ഏര്പ്പെടുത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: