കണ്ണൂര്: കണ്ണൂരില് നഗരത്തിനു സമീപം ഇന്ധനം നിറച്ച ടാങ്കര് മറിഞ്ഞു. വാതക ചോര്ച്ച ഉണ്ടാകാതിരുന്നതിനാല് വന് ദുരന്തം ഒഴിവായി. അപകടത്തില് ആര്ക്കും പരിക്കില്ല. പുലര്ച്ചെ ശ്രീപുരം സ്കൂളിന് സമീപമാണ് അപകടം ഉണ്ടായത്. നിയന്ത്രണം വിട്ട ടാങ്കര് റോഡില് വട്ടം മറിയുകയായിരുന്നു.
രാവിലെ പത്ത് മണിയോടെ എണ്ണ കമ്പനി അധികൃതരുടെ സഹായത്തോടെ ഫയര്ഫോഴ്സും പോലീസും നാട്ടുകാരും ചേര്ന്ന് ടാങ്കര് ഉയര്ത്തി. അപകടത്തെ തുടര്ന്ന് പ്രദേശത്തു കൂടി വാഹന ഗതാഗതം നിയന്ത്രിച്ചിരുന്നു. വാതകച്ചോര്ച്ചയില്ലെങ്കിലും പരിസരവാസികളെ ഒഴിപ്പിട്ടുണ്ട്.
മംഗലാപുരത്തുനിന്ന് വിദഗ്ധര് എത്തിയതിനുശേഷം ടാങ്കര് ലോറി റോഡില് നിന്നും മാറ്റും. വാഹനഗതാഗതം തടസ്സപെട്ടതിനെതുടര്ന്ന് പുതിയതെരുവ് നിന്നും വരുന്ന വാഹനങ്ങള് കക്കാട് വഴിയും അലവില് വഴിയുമാണ് കണ്ണൂരിലേക്ക് തിരിച്ചുവിടുന്നത്. കണ്ണൂര് താണയില് നിന്നും വാഹനം തിരിച്ചുവിടുന്നുണ്ട്.
പ്രതികരിക്കാൻ ഇവിടെ എഴുതുക: